24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Մարին լը Պենը մեղավոր է ճանաչվել Եվրախորհրդարանի միջոցները յուրացնելու գործով
Քաղաքականություն
31.03.2025 | 14:11
Փարիզի դատարանը «Ազգային միավորում» կուսակցության ղեկավար Մարին լը Պենին մեղավոր է ճանաչել Եվրախորհրդարանի միջոցների յուրացման գործով, հայտնում է BFMTV-ն։
Նշվում է, որ մեղադրական դատավճիռը մեխանիկորեն զրկում է Մարին լը Պենին ընտրությունների մասնակցելու իրավունքից։ Դեռևս պարզ չէ՝ արդյո՞ք պատիժն անմիջապես կիրականացվի։ Դատարանն այդ մասին ոչինչ չի հրապարակել։
Գործով մեղավոր են ճանաչվել Եվրախորհրդարանի ութ այլ պատգամավորներ Մարին լը Պենի ծայրահեղ աջակողմյան «Ազգային միավորում» կուսակցությունից և 12 խորհրդարանականների օգնականներ։ Գործի նյութերի համաձայն՝ մեղադրյալների գործողություններից ընդհանուր վնասը կազմել է 2,9 մլն եվրո։
Մարին լը Պենը և նրա կուսակիցները մեղադրվում են Եվրախորհրդարանում ձևականորեն պատգամավորների օգնականների վարձելու մեջ՝ կուսակցության համար գումար հափշտակելու համար։
Լը Պենը պատրաստվում էր 2027 թվականին առաջադրվել Ֆրանսիայի նախագահի ընտրություններում։
Թարգմանությունը՝ Էմմա Չոբանյանի
