09.08.2026 | 19:36
Խնձորեսկում զբոսաշրջիկներ տեղափոխող մեքենան դուրս է եկել ճանապարհից
ԱՄՆ-ը հետաձգել է ուկրաինացի երեխաների որոնման ծրագրի փակումը․ WP
Քաղաքականություն
28.03.2025 | 15:09
ԱՄՆ նախագահ Դոնալդ Թրամփի վարչակազմը, լրատվամիջոցների հաղորդագրությունների ֆոնին, չեղարկել է ամերիկյան նախաձեռնությունը սահմանափակելու որոշումը՝ փաստաթղթավորելու ռուսական ենթադրյալ ռազմական հանցագործությունները, մասնավորապես երեխաներին Ուկրաինայից Ռուսաստանի տարածք անօրինական տեղափոխելու դեպքերը։ Այս մասին հայտնում է The Washington Post-ը, որին վկայակոչում է DW-ի ռուսական ծառայությունը։
Ծրագիրը, որը հայտնի է որպես The Conflict Observatory, հետևել է ուկրաինացի երեխաների զանգվածային արտաքսմանը Ռուսաստանի կողմից վերահսկվող տարածք՝ օգտագործելով արբանյակային պատկերներ, կենսաչափական տվյալներ և այլ թվային դատաբժշկական գործիքներ։ Այս աշխատանքի շրջանակում հավաքագրված տվյալների շնորհիվ բազմաթիվ քրեական գործեր են հարուցվել։ Լրատվամիջոցն այս առնչությամբ նշում է նաև ՌԴ նախագահ Վլադիմիր Պուտինի նկատմամբ Միջազգային քրեական դատարանի (ՄՔԴ) կալանավորման հրամանը։
WP-ն պարզաբանում է, որ այս քաղաքականության ժամանակավոր փոփոխությունը, որի մասին նախկինում չի հայտարարվել, թույլ է տալիս ծրագրին շարունակել և ֆինանսավորում ստանալ ևս վեց շաբաթ՝ ավարտելու տվյալների պահեստի փոխանցումը ԵՄ ոստիկանական ծառայությանը՝ Եվրոպոլին:
Այս քայլին հնարավոր է դարձել հասնել խմբի կողմից, որը բաղկացած է մի շարք կոնգրեսականներից՝ և՛ հանրապետականներից, և՛ դեմոկրատներից, ինչպես նաև բողոքական քրիստոնյաների ակտիվիստներից։
Conflict Observatory ծրագրին հաջողվել է տվյալներ հավաքել մի քանի հազար ուկրաինացի երեխաների ինքնության և գտնվելու վայրի վերաբերյալ, որոնք համարվում են անհետ կորած և ենթադրաբար գտնվում են Ռուսաստանում և Մոսկվայի կողմից վերահսկվող Ուկրաինայի տարածքներում։
Թարգմանությունը՝ Էմմա Չոբանյանի
