06.10.2026 | 14:52
ՀԾԿՀ-ում քննարկվել է «Firebird AI» տվյալների կենտրոնի էլեկտրամատակարարումը
ՀՀ-ի հետ շարունակում ենք բազմապլան քաղաքական երկխոսությունը․ Ջերմուկում ռուսական կրթական կենտրոն է բացվելու․ Զախարովա․ ՏԵՍԱՆՅՈՒԹ
Քաղաքականություն
27.03.2025 | 14:43
ՀՀ-ի հետ բազմապլան քաղաքական երկխոսությունը շարունակվում է։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Երկու երկրների առաջնորդները մշտական կապի մեջ են։ ՀՀ վարչապետն ընդունել է հրավերը՝ մասնակցելու Մոսկվայում հաղթանակի 80-ամյակի հանդիսավոր միջոցառումներին։ Տեղի են ունեցել ԱԳ նախարարների կառուցողական բանակցություններ, վերջերս փոխարտգործնախարարներն են բանակցել։ Աշխատում են միջկառավարական, միջխորհրդարանական մեխանիզմերը»,- թվարկել է Զախարովան։
Նա նշել է, որ նախաձեռնություններ կան նաև հումանիտար կրթամշակությային ոլորտում։
«Նախատեսվում է, որ հաջորդ ամիս հայկական պատվիրակությունը կայցելի կրթական Սիրիուս կենտրոն՝ արագացնելու Ջերմուկում ռուսական կրթական կենտրոնի բացումը շնորհալի երեխաների համար»,- ասել է ՌԴ ԱԳՆ պաշտոնական ներկայացուցիչը։
Տնտեսական համագործակցությունը, ըստ Զախարովայի, ևս զարգանում է, առևտրաշրջանառությունը հասել է գրեթե 12 մլրդ դոլարի։ Միջազգային կազմակերպություններում նույնպես ՀՀ-ի հետ համագործակցություն կա, օրինակ՝ ՄԱԿ-ում, երկրների տեսակետները մեծ մասամբ համընկում են կամ մոտ են։
Զախարովան ասել է՝ «կան պահեր, որոնք լուծված չեն կամ լուծում են պահանջում, որ վնաս չհասնեն երկկողմ հարաբերություններին, մարդկանց բիզնեսին», և այդ հարցերը քննարկվում են։
Մանրամասները՝ տեսանյութում։
Էմմա Չոբանյան
