Ոչ իրավաչափ է ճանաչվել Հայկական Կարմիր խաչի ընկերության գործադիր մարմնի ղեկավարի անօրինական փոփոխությունը

Լուրեր

18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
Բոլորը

Այսօր ՀՀ Վարչական դատարանը վճիռ է կայացրել Հայկական Կարմիր խաչի ընկերության (ՀԿԽԸ) ղեկավարության շուրջ ծավալված իրավական ճգնաժամի վերաբերյալ՝ անվավեր ճանաչելով ՀԿԽԸ գործադիր մարմնի փոփոխության գրանցումը․ տեղեկացնում են ՀԿԽԸ-ից։

«Համաձայն դատարանի վճռի, 2024թ. փետրվարի 8-ին՝ գործող գործադիր տնօրեն Աննա Եղիազարյանին աշխատանքից ազատումը և ոչ օրինաչափ անձի գրանցումը նույն պաշտոնում՝ անօրինական է եղել: Մինչ այդ, նշված թեմայի հետ կապված խախտումներ էր արձանագրել նաև ՀՀ Պետական վերահսկողական ծառայությունը, ինչի մասին զեկուցվել է նաև ՀՀ Վարչապետին: Աննա Եղիազարյանի աշխատանքից ազատելու ոչ իրավաչափ լինելու փաստը արձանագրել է նաև ՀՀ
առողջապահական և աշխատանքի տեսչական մարմինը:

Անօրինական փոփոխության հետևանքով Հայկական Կարմիր խաչի ընկերության փորձառու մասնագետները ստիպված են եղել հեռանալ կազմակերպությունից՝ չցանկանալով աշխատել անօրինական ղեկավարության հետ, ինչը զգալիորեն թուլացրել է ՀԿԽԸ-ի գործառնական կարողությունները:

– Այս վճիռը շրջադարձային է ՀԿԽԸ-ի կառավարման երկարատև ճգնաժամի հանգուցալուծման և օրինականության վերականգնման ճանապարհին: Մենք արդեն մեկ տարուց ավելի է բարձրաձայնում էինք, որ Հայկական Կարմիր խաչի գրասենյակում նույնիսկ մեկ իրավասու ղեկավար չկա, և ՀԿԽԸ անունից հանդես են գալիս դրա իրավունքը չունեցող մարդիկ: Այսօր դատարանի վճիռը եկավ ապացուցելու, որ մենք ճիշտ էինք: Այս իրավիճակի արդյունքում առաջին հերթին տուժել են շահառուները, որոնք զրկվել են ծառայությունների զգալի մասից, մեծ վնաս է հասցվել կազմակերպության համբավին:

Այժմ արդեն հնարավորություն ունենք վերականգնելու կազմակերպության բնականոն գործունեությունը և, որ ամենակարևորն է, կանխելու Ազգային ընկերությունը մասնավոր բիզնես նախագծի վերածելու փորձը, – նշել է ՀԿԽԸ նախագահ Աննա Եղիազարյանը: Տիկին Եղիազարյանը և կազմակերպությունից հեռացած թիմը՝ փաստաբան Կարեն Մովսիսյանի հետ միասին, դատական ատյաններում հետևողականորեն պայքարեցին իրենց իրավունքների վերականգնման համար: Փաստաբանի բարձր մասնագիտական կարողությունների շնորհիվ էլ հենց հնարավոր դարձավ արձանագրել նման մի շարք արդյունքներ:

Դատարանի վճռի արդյունքում ակնկալվում է, որ շուտով ուժի մեջ կմտնեն ՀԿԽԸ օրինական ղեկավարության լիազորությունները՝ համաձայն կազմակերպության կանոնադրության և ՀՀ օրենսդրության, իսկ ինքնահռչակ անօրինական անձինք օր առաջ կհեռացվեն կենտրոնական գրասենյակից:

ՀԿԽԸ-ում ղեկավարության օրինականության հաստատումը հնարավորություն կտա կազմակերպությանը նորից միավորելու իր իրական մասնագետներին, վերականգնելու գործընկերների ցանցը, կրկին մոբիլիզացնելու ռեսուրսներ և ամբողջ թափով վերադառնալու մարդասիրական առաքելության իրագործմանը՝ տանելով իր աջակցող դերը Կառավարությանը մարդասիրական ոլորտում:

Հետագա գործընթացների մասին կտեղեկացնենք լրացուցիչ»,- ասված է հաղորդագրությունում։

Թեմայի առնչությամբ դիտեք FactorTV-ի «Տղան, թոռը, հարսը, սանիկը, եղբայրը. ընտանեկան դրամա՝ Հայկական Կարմիր խաչի ընկերությունում» վերտառությամբ տեսանյութը։