22.02.2026 | 16:38
Ուկրաինայի ուղղությամբ արձակվել է գրեթե 300 հարվածային դրոն․ Զելենսկի
Իսակովում հողերը կադաստրային արժեքից կրկնակի թանկ են վաճառվել․ ըստ պաշտպանի՝ պետությունը վնաս չի կրել․ ՏԵՍԱՆՅՈՒԹ
Հասարակություն
24.03.2025 | 14:52
Արմեն Սարգսյանը, որպես Պաշտպանության նախարարության կապիտալ շինարարության և զորքերի բնակավորման վարչության պետ որևէ լիազորություն չի ունեցել որևէ հողամաս վաճառելու կամ որևէ կերպ միջամտելու այդ գործընթացին։ Այս մասին բացման խոսքում ասաց Իսակովի պողոտայում հողերի ենթադրյալ ապօրինի վաճառքի գործով մեղադրյալ Արմեն Սարգսյանի պաշտպան Տիգրան Ղազարյանը։
Հիշենցնենք՝ Սարգսյանին 19 դրվագ մեղադրանք է առաջադրված Իսակովի պողոտայում շուկայականից էժան գնով և աճուրդ հայտարարելու փոխարեն ուղղակի վաճառքով հողեր վաճառելու համար։ Նա մեղադրանքը չի ընդունում։
Պաշտպան Տիգրան Ղազարյանը նշեց, որ Արմեն Սարգսյանը չէ, որ պետք է որոշեր՝ հողերը ինչ գնով պետք է վաճառվեր, քանի որ նախարարությունում կար ֆինանսական վարչություն։ Սարգսյանը չէր նաև որոշում՝ այդ հողերը պետք է ուղղակի վաճառքով վաճառվեին, թե՝ ոչ․ Պաշտպանության նախարարությունում կար նաև իրավաբանական վարչություն։ Բացի այդ՝ այս գործարքը կնքվել է նոտարական գրասենյակում, և եթե խնդիր կար, ապա դա կարող էր արձանագրել նաև նոտարը։
Տիգրան Ղազարյանը նաև նշեց, որ ըստ Հողային օրենսգրքի կարգավորումների՝ ուղղակի վաճառքի դեպքում գույքը վաճառվում է դրա կադաստրային արժեքով, իսկ տվյալ դեպքում բոլոր գույքները վաճառվել են գրեթե կրկնակի արժեքով, այսինքն՝ ոչ թե պետությանը վնաս է պատճառվել, այլ ավելի մեծ գումար է մուտք եղել Պաշտպանության նախարարություն։
Մանրամասները՝ տեսանյութում
Արաքս Մամուլյան
