15.02.2026 | 22:34
ՔՊ-ում տեղի ունեցած քվեարկության առաջատարները․ նախնական արդյունքները՝ 22:00-ի դրությամբ
Իրականությանը չի համապատասխանում, թե մենք գերիների հետ կապված հարց չենք քննարկում. Փաշինյան․ ՏԵՍԱՆՅՈՒԹ
Քաղաքականություն
21.03.2025 | 23:35
Հանրային հեռուստաընկերության տված հարցազրույցում վարչապետ Նիկոլ Փաշինյանն անդրադարձավ նաև Բաքվում գտնվող գերիներին.
«Իրականությանը չի համապատասխանում, որ մենք գերիների հետ կապված հարց չենք քննարկում։ Ուզում եմ հետ գնանք 2023 թվականի դեկտեմբեր, երբ մեր 32 գերեվարված եղբայրները վերադարձան Հայաստանի Հանրապետություն։ Եթե պատկերացնենք, որ նրանց վերադառնալուց մի օր կամ հինգ ժամ առաջ ես որևէ հանգամանքով ստիպված լինեի պատասխանել այդ հարցին, ես կտայի մի պատասխան, որը բացարձակապես բավարար համարել չէր կարելի։ 2020 թվականի դեկտեմբերին, այս հարկի կողքի դահլիճում գերեվարված անձանց հարազատների հետ հանդիպման ժամանակ ես ասել եմ՝ կոնկրետ օր եմ ասել, ասել եմ՝ այսինչ մարդիկ այսինչ օրը հետ կգան և դա տեղի չի ունեցել. դա եղել է առաջին ու վերջին անգամը, երբ ես այդ թեմայով որևէ բան խոստացել եմ, որովհետև ես հասկացել եմ՝ եթե մի բան, որը մեր որոշման տիրույթում չէ, շատ սխալ է կոնկրետ ակնկալիքներ առաջացնելը»,- նշեց վարչապետը։
Մանրամասները՝ տեսանյութում։
