13.12.2025 | 19:00
Օրբելիի 5 երկնաքերները փակում են Հրազդանի կիրճի գեղեցկագույն լանդշաֆտը՝ քաղաքի թոքերը. Կարեն Բալյան
Թրամփը հայտարարել է, որ ԱՄՆ-ը շուտով Ուկրաինայի հետ կստորագրի հազվագյուտ հանածոների պայմանագիրը
Քաղաքականություն
21.03.2025 | 11:51
ԱՄՆ նախագահ Դոնալդ Թրամփը հայտարարել է, որ շուտով Ուկրաինայի հետ կստորագրվի հազվագյուտ օգտակար հանածոների և բնական պաշարների մասին համաձայնագիրը, և որ երկրի համար խաղաղության համաձայնագրի հասնելու իր ջանքերը «բավականին լավ» են ընթանում Ռուսաստանի և Ուկրաինայի ղեկավարների հետ այս շաբաթ ունեցած բանակցություններից հետո, գրում է Reuters-ը։
«Մենք շատ լավ ենք ընթանում Ուկրաինայի և Ռուսաստանի հետ կապված: Եվ այն, ինչ մենք անում ենք, շատ շուտով Ուկրաինայի հետ հազվագյուտ մետաղների վերաբերյալ համաձայնագրի ստորագրումն է»,- ասել է Թրամփը Սպիտակ տանը միջոցառման ժամանակ։
Նա անդրադարձել է այս շաբաթ Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի հետ իր առանձին քննարկումներին, որոնք ուղղված են պատերազմին վերջ դնելուն։
«Մենք կցանկանայինք տեսնել պատերազմի ավարտը, և ես կարծում եմ, որ մենք լավ ենք ընթանում այդ հարցում։ Հուսով եմ, որ կարող ենք շաբաթական հազարավոր մարդկանց փրկել մահից: Ամբողջ իմաստը դա է, և ես հավատում եմ, որ մենք դրա կանենք»,- հայտարարել է Թրամփը։
Թարգմանությունը՝ Էմմա Չոբանյանի
