17.07.2026 | 21:00
ՔՆՆԱՐԿՈւՄ․ Իսպանիա vs Արգենտինա․ Ֆուտբոլային մեծ բախում՝ Աշխարհի չեմպիոնի գավաթի համար․ ո՞ր թիմը կհաղթի․ ՏԵՍԱՆՅՈՒԹ
Արգիշտի Քյարամյանի սանիկը նշանակվեց ՀԿԿ նախագահ․ ՏԵՍԱՆՅՈՒԹ
Քաղաքականություն
20.03.2025 | 11:36
Արթուր Նահապետյանը նշանակվեց Հակակոռուպցիոն կոմիտեի նախագահ։ Կառավարությունն այսօրվա նիստով հաստատեց նրա թեկնածությունը։
Հիշեցնենք, որ Հակակոռուպցին կոմիտեի նախագահի պաշտոնը թափուր էր 2024 թվականի նոյեմբերից, երբ վարչապետ Նիկոլ Փաշինյանի խնդրանք-պահանջով, ի թիվս այլ բարձրաստիճան պաշտոնյաների, հրաժարականի դիմում էր ներկայացրել կոմիտեի նախագահ Սասուն Խաչատրյանը։ Հակակոռուպցիոն կոմիտեի նախագահի թեկնածուի ընտրության համար երկու անգամ մրցույթ է հայտարարվել։
Առաջին մրցույթում առաջադրված միակ թեկնածու, ԱԱԾ պաշտոնյան Ռաֆայել Երիցյանը հունվարի 25-ին կայացած մրցույթում չի հավաքել անհրաժեշտ քանակով միավորներ՝ չընտրվելով որպես թեկնածու։ Դրանից հետո հայտարարվել է ևս մեկ մրցույթ, որին մասնակցում էր 5 թեկնածու։ Նրանցից երեքը՝ Գևորգ Քոչարյանը, Պետրոս Մարտիրոսյանը և Արթուր
Նահապետյանը հաղթահարել էին անհրաժեշտ շեմն ու ընտրվել որպես Հակակոռուպցիոն կոմիտեի նախագահի թեկնածու։
Վերջնական որոշումը, սակայն Կառավարությունն է կայացնում, և Կառավարությունն ընտրեց Արթուր Նահապետյանին։
Նշենք որ, Նահապետյանը Factor TV-ի հարցին ի պատասխան հաստատել էր, որ ՀՀ ՔԿ նախկին նախագահ Արգիշտի Քյարամյանի սանիկն է։
