07.10.2026 | 10:00
Ազգային ժողովի նիստը՝ ՈՒՂԻՂ
Գերմանիան Աննալենա Բերբոքին կառաջադրի ՄԱԿ-ի Գլխավոր վեհաժողովի նախագահի պաշտոնում
Քաղաքականություն
19.03.2025 | 17:53
Բեռլինը ՄԱԿ-ի Գլխավոր վեհաժողովի նախագահի պաշտոնում կառաջադրի Գերմանիայի գործող արտգործնախարար Աննալենա Բերբոքի թեկնածությունը։ Այս մասին հայտնում է Գերմանիայի ԱԳՆ-ն X-ի միկրոբլոգում։
«Գերմանիան առաջադրում է ԱԳ նախարար Աննալենա Բերբոքի թեկնածությունը որպես ՄԱԿ-ի Գլխավոր վեհաժողովի 80-րդ նստաշրջանի նախագահության թեկնածու։ Այս առաջադրմամբ Գերմանիան ընդգծում է իր ամուր նվիրվածությունը ՄԱԿ-ին և կայուն զարգացմանը, մարդու իրավունքներին և գլոբալ խաղաղությանը»,- ասվում է հաղորդագրության մեջ։
Հաղորդվում է նաև, որ Գերմանիայի կառավարությունն այս որոշումը կայացրել է քվեարկությամբ։
Սպասվում է, որ Բերբոքը մայիսին կներկայացնի ՄԱԿ-ի Գլխավոր վեհաժողովի նախագահության իր ծրագիրը, կընտրվի քվեարկությամբ հունիսի սկզբին և կանցնի իր պարտականությունների կատարմանը սեպտեմբերին:
Թարգմանությունը՝ Էմմա Չոբանյանի
