25.06.2026 | 14:13
Պետք է սովորենք` մենք պետք է գնանք Թուրքիա, իրենք գան Հայաստան. Փաշինյան․ ՏԵՍԱՆՅՈՒԹ
Խաչիկ Ղազարյան, Վարդգես Սարգսյան, Կարապետ Բադալյան․ հրապարակվել է Վերաքննիչ հակակոռուպցիոն դատարանում առաջխաղացման ենթակա դատավորների թեկնածուների ցուցակը
Հասարակություն
18.03.2025 | 12:25
Բարձրագույն դատական խորհուրդը կազմել և հաստատել է Վերաքննիչ հակակոռուպցիոն դատարանում առաջխաղացման ենթակա դատավորների ցուցակը՝ ըստ կոռուպցիոն հանցագործությունների քննության և քաղաքացիական գործերի քննության ենթաբաժինների։ Այս մասին տեղեկանում ենք Բարձրագույն դատական խորհրդի կայքից։
Ըստ ԲԴԽ որոշման՝ Վերաքննիչ հակակոռուպցիոն դատարանի կոռուպցիոն հանցագործությունների քննության բաժնի առաջխաղացման ենթակա դատավորների ցուցակում ընդգրկվել են Սուրեն Խաչատրյանը, Վարդգես Սարգսյանը, Հովհաննես Հարությունյանը, Խաչիկ Ղազարյանը, Վարազդատ Սուքիասյանը։
Այս ցուցակում ընդգրկված անձանցից Սուրեն Խաչատրյանը, Վարդգես Սարգսյանը և Խաչիկ Ղազարյանն այժմ Հակակոռուպցիոն առաջին ատյանի դատարանի դատավորներ են, Ղազարյանը դատարանի նախագահն է։
Վարազդատ Սուքիասյանը Վճռաբեկ դատարանի աշխատակազմից է, զբաղեցնում է իրավական փորձաքննությունների ծառայության գլխավոր մասնագետի պաշտոնը։ Սուքիասյանը նաև Հայ- Ռուսական համալսարանի դասախոս է, մարտի 6-ին նշանակվել է Հայաստանի Հանրապետության գլխավոր դատախազին առընթեր որակավորման հանձնաժողովի անդամ։ Հովհաննես Հարությունյանը Հակակոռուպցիոն կոմիտեի Հատկապես կարևոր գործերի քննության ավագ քննիչ է։
Հակակոռուպցիոն վերաքննիչ դատարանի քաղաքացիական գործերի քննության դատավորի թեկնածուների ցուցակում էլ ընդգրկվել են Վերաքննիչ առաջին ատյանի դատարանի դատավորներ Կարապետ Բադալյանը և Նարինե Ավագյանը։ Այս երկու թեկնածուներն էլ Հակակոռուպցիոն առաջին ատյանի դատարանի քաղաքացիական գործերի քննություն իրականացնող դատավորներ են։
Արաքս Մամուլյան
