10.05.2025 | 17:33
Սևանա լճի մակարդակը տարվա սկզբից բարձրացել է 23 սմ-ով
Բաքվում շինծու գործերով հերթական նիստում Լևոն Մնացականյանը խոսել է Ռուբեն Վարդանյանից, Գյանջայի և Բարդայի հրթիռակոծությունից
Քաղաքականություն
17.03.2025 | 21:35
Այսօր Բաքվի զինվորական դատարանում տեղի է ունեցել Արցախի ռազմաքաղաքական ղեկավարների շինծու գործերով հերթական դատական նիստը՝ դատավոր Զեյնալ Աղաևի նախագահությամբ։
Այսօրվա նիստին հարցերի է պատասխանել Արցախի ՊԲ նախկին հրամանատար Լևոն Մնացականյանը։ Նա նշել է, որ զինվորական ծառայությունը սկսել է Ղարաբաղում՝ 1992 թվականին, մարտի 2-ին վիրավորվել է, 1993-2012 թվականներին նա տարբեր պաշտոններ է զբաղեցրել Արցախի զինված ուժերում, այնուհետև նշանակվել է Հայաստանի ԶՈՒ Գլխավոր շտաբի պետի տեղակալ, 2015 թվականին էլ նշանակվել է Արցախի պաշտպանության նախարար, բանակի հրամանատար։
Ադրբեջանական լրատվամիջոցների փոխանցմամբ՝ Լևոն Մնացականյանը, իբր, ասել է, որ Արցախի բանակում ծառայողների մոտ 70 տոկոսը ՀՀ քաղաքացիներ են եղել, նաև նշել, որ Արցախում «Իսկանդեր Մ», «Տոչկա Ու» կամ «Սմերչ» բազմակի հրթիռային համակարգեր չեն եղել։ Նրան հարցեր են ուղղվել նաև Գյանջայի, Բարդայի և այլ շրջանների հրթիռակոծության մասին։
Հարցերին ի պատասխան՝ նա նաև ասել է, որ Արցախի նախկին պետնախարար Ռուբեն Վարդանյանին ճանաչում է 2005 թվականից։
Հաջորդ դատական նիստը նշանակվել է ապրիլի 3-ին։
Թարգմանությունը՝ Էմմա Չոբանյանի
