17.07.2026 | 20:09
Խմարան և Սիբիհան՝ Ուկրաինայի պաշտպանության և արտաքին գործերի նախարարների պաշտոնակատար
Վարչապետ Փաշինյանը շնորհավորական ուղերձ է հղել Իռլանդիայի վարչապետին
Քաղաքականություն
17.03.2025 | 17:21
Վարչապետ Նիկոլ Փաշինյանը շնորհավորական ուղերձ է հղել Իռլանդիայի վարչապետ Միհել Մարտինին ազգային տոնի՝ Սուրբ Պատրիկի օրվա առթիվ:
Շնորհավորական ուղերձում նշված է. «Շնորհավորում եմ Ձեզ և Իռլանդիայի բարեկամ ժողովրդին Իռլանդիայի ազգային տոնի՝ Սուրբ Պատրիկի օրվա առթիվ:
Իռլանդիայի հետ հարաբերությունները կարևոր տեղ են զբաղեցնում Հայաստանի Հանրապետության արտաքին քաղաքականության օրակարգում, և մեր կառավարությունը հաստատակամ է շարունակելու դրանց ընդլայնումն ու զարգացումը:
Ժողովրդավարական արժեքների վրա խարսխված երկկողմ և բազմակողմ փոխգործակցության հետևողական խորացումը, այդ թվում՝ Հայաստան-ԵՄ գործընկերության շրջանակներում, բխում է Հայաստանի և Իռլանդիայի շահերից՝ ի նպաստ մեր ժողովուրդների բարօրության: Լիահույս եմ, որ առաջիկայում Հայաստան-Իռլանդիա երկկողմ օրակարգը հեռանկարային ծրագրերով առաջ մղելու համար կունենանք նոր հնարավորություններ»:
