08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Քյոխը»՝ Կարեն Ջիլավյանը, ներկա է Քոչարյանի թիմակից Անդրանիկ Թևանյանի ղեկավարած «Մայր Հայաստան» դաշինքի նախընտրական քարոզարշավին
Քաղաքականություն
15.03.2025 | 18:04
Գյումրիում այսօր մեկնարկել է ավագանու արտահերթ ընտրությունների քարոզարշավը։
Քաղաքի կառավարումը ստանձնելու հայտ է ներկայացրել 9 քաղաքական ուժ։ Նրանք առաջին իսկ օրվանից ակտիվ քարոզչություն են իրականացնում՝ հանդիպումներ կազմակերպելով։ Ռոբերտ Քոչարյանի թիմակից Անդրանիկ Թևանյանի ղեկավարած «Մայր Հայաստան» դաշինքի թեկնածուն գործարար, անկուսակցական Կարեն Սիմոնյանն է։ Ըստ ԿԸՀ-ի նրանց նախընտրական ցուցակը բաղկացած է 56 թեկնածուից։
Դաշինքում «Ինտելեկտուալ Հայաստան» և «Իմ պայքար, իմ հայրենիք» կուսակցություններն են։
Ցուցակում ընդգրկված են առաքիչներ, ընկերությունների տնօրեններ, վարսահարդար, դասվար, մենեջեր, մարզիչ, անհատ ձեռնարկատերեր, ինչպես նաև 26 գործազուրկ։
«Մայր Հայաստան»-ի տարածած լուսանկարներում նաև Արցախի հերոս Կարեն Ջալավյանն է՝ «Քյոխը»։ Նա նախընտրական ցուցակում չկա, ներկա է որպես աջակից։
Factor.am-ը կապ հաստատեց Կարեն Ջիլավյանի հետ, խնդրեցինք մեկնաբանել, թե ինչ նպատակով է մասնակցում Գյումրիի ՏԻՄ ընտրությունների քարոզարշավին, սակայն հարցը լսելուց հետո նա հեռախոսն անջատեց։
Նարեկ Կիրակոսյան
