08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հռոմի Ֆրանցիսկոս պապը մայիսի 26-ին Թուրքիա կայցելի
Քաղաքականություն
13.03.2025 | 18:41
Հույն ուղղափառ եկեղեցու պատրիարք Բարդուղիմեոսը հայտարարել է, որ Հռոմի Ֆրանցիսկոս պապը մայիսի 26-ին կայցելի Թուրքիա, գրում է DW-ի թուրքական ծառայությունը։
Պատրիարքը հույս է հայտնել, որ Հռոմի Պապը, որը պատրաստվում է այցելել Թուրքիա Քրիստոնեական եկեղեցու առաջին խորհրդի 1700-ամյակին, լիարժեք կապաքինվի և կկարողանա կատարել այդ ճանապարհորդությունը։ Նա հավելել է, որ աղոթում է Պապի առողջության համար։
Առաջին տիեզերական ժողովը տեղի է ունեցել Նիկիայում 325 թվականին: Այս ժողովի տարեդարձի կապակցությամբ Պապի այցի մասին հայտարարվել էր անցյալ տարի:
Նախօրեին Վատիկանը հայտարարել էր, որ Հռոմի պապը «հանգիստ գիշեր» է անցկացրել հիվանդանոցում:
Բժիշկները նշել են, որ նա դանդաղ, բայց անշեղորեն ապաքինվում է և այլևս ծանր վիճակում չէ։ Այնուամենայնիվ, հաշվի առնելով նրա ընդհանուր առողջությունն ու փխրունությունը՝ նրանք ընդգծել են, որ անհրաժեշտ է զգույշ լինել, իսկ հիվանդանոցում գտնվելու տևողությունը մնում է անորոշ:
88-ամյա Պապը հիվանդանոց էր ընդունվել փետրվարի 14-ին՝ շնչառական վարակի պատճառով։ Այդ ժամանակից նա բուժում է ստանում թոքաբորբից, որն ախտահարել է նրա երկու թոքերը։
Թարգմանությունը՝ Էմմա Չոբանյանի
