24.06.2026 | 19:14
Կրեմլը հերքում է Պետդումայի ընտրությունները հետաձգելու վերաբերյալ լուրերը
«Երևանի ավտոբուս» ՓԲԸ-ի խոսնակը՝ 50 վարորդի ազատման դիմում գրելու տեղեկությունների մասին
12.03.2025 | 16:30
«Երևանի ավտոբուս» ՓԲԸ-ի խոսնակ Գեղամ Ասատրյանը անդրադարձել է Երևանի ավագանու «Մայր Հայաստան» խմբակցության ղեկավար Մանուկ Սուքիասյանի գրառմանը։
««Ժոնգ Թոնգ» մակնիշի տրանսպորտային միջոցների վարորդներն այս ամիս նախորդ ամսվա կատարած աշխատանքի համար դեռ աշխատավարձ չեն ստացել, էլ ուր մնաց՝ դիմում գրեն, ազատվեն աշխատանքից։ Աշխատավարձը փոխանցվում է օրենսդրությամբ սահմանված կարգով մինչև հաջորդ ամսվա 15-ը»,- գրել է Ասատրյանը։
Հիշեցնենք՝ Սուքիասյանը քիչ առաջ ֆեյսբուքում գրել էր, որ «Երևանի ավտոբուս» ՓԲԸ-ի 50 վարորդ դիմում է գրել և հեռացել աշխատանքից, քանի որ վարձատրությունը։
««Քիչ առաջ ահազանգ ստացանք, որ «Երևանի ավտոբուս» ՓԲԸ-ի 50 վարորդներ, ստանալով նախորդ ամսվա աշխատավարձը, տեսնելով, որ վարձատրվել են ակնկալվող գումարից պակաս չափով, դիմում են գրել և հեռացել աշխատանքից։ Խոսքը ZHONG TONG ավտոբուսների վարորդների մասին է։ Ըստ ահազանգող վարորդների՝ կապ չունի, 07։00 ես ավտոբուսով դուրս գալիս հավաքակայանից, թե ասենք՝ 07:25, միևնույնն է, դարպասի մոտ ֆիքսվում է 07։55, ինչի արդյունքում ժամավճարը նվազում է»,- գրել էր ավագանու ընդդիմադիր անդամը։
Արփի Հակոբյան
