Գնդակն այժմ ՌԴ-ի դաշտում է․ ԵՄ-ն, Ֆրանսիան և Մեծ Բրիտանիան ողջունել են ԱՄՆ-Ուկրաինա հանդիպման արդյունքները

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

ԵՄ իշխանությունները և մի շարք եվրոպացի առաջնորդներ բարձր են գնահատել և ողջունել են Սաուդյան Արաբիայում Ուկրաինայի վերաբերյալ բանակցությունների արդյունքները և Կիևի հավանությունը 30-օրյա հրադադար հաստատելու՝ ԱՄՆ առաջարկին, եթե Ռուսաստանը համաձայնի դրան: Մասնավորապես, Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ ԵՄ-ն ողջունում է Ջիդդայից ստացված լուրերը ԱՄՆ-Ուկրաինա բանակցությունների վերաբերյալ, ներառյալ՝ հրադադարի մասին համաձայնագրի առաջարկը և ԱՄՆ հետախուզական տվյալների փոխանակման ու անվտանգության աջակցության վերսկսումը:

«Սա դրական զարգացում է, որը կարող է քայլ լինել Ուկրաինայի համար համապարփակ, արդար և տևական խաղաղության ճանապարհին։ Գնդակն այժմ Ռուսաստանի դաշտում է։ ԵՄ-ն պատրաստ է իր գործընկերների հետ միասին կատարել իր ամբողջական դերը գալիք խաղաղ բանակցություններում»,- գրել է նա X-ի իր միկրոբլոգում։

Ֆրանսիայի նախագահ Էմանուել Մակրոնը ևս ողջունել է հանդիպման արդյունքները։

«Ես ողջունում եմ ԱՄՆ-ի և Ուկրաինայի միջև այսօր Ջիդդայում կայացած քննարկումների ընթացքում ձեռք բերված առաջընթացը, մասնավորապես, հնարավոր 30-օրյա հրադադարի գաղափարի վերաբերյալ։ Գնդակն այժմ ակնհայտորեն Ռուսաստանի դաշտում է»,- նշել է Մակրոնը՝ հավելելով, որ Ֆրանսիան և գործընկերները հավատարիմ են մնում ամուր և տևական խաղաղությանը՝ ապահովված Ուկրաինայի անվտանգության ամուր երաշխիքներով:

Մեծ Բրիտանիայի վարչապետ Քիր Սթարմերն իր հերթին հայտարարել է, որ այժմ Ռուսաստանի գործն է դադարեցնել մարտերը։

«Ինչպես ասել են և՛ ամերիկյան, և՛ ուկրաինական պատվիրակությունները, գնդակն այժմ գտնվում է ռուսական դաշտում»,- ասվում է Սթարմերի հայտարարության մեջ։

Նա շնորհավորել է  և՛ Ուկրաինայի նախագահ Վլադիմիր Զելենսկիին, և՛ ԱՄՆ նախագահ Դոնալդ Թրամփին «ուշագրավ բեկման համար»։ Սթարմերը  նշել է, որ կօգտագործի համաշխարհային առաջնորդների հանդիպումը, որը Բրիտանիան հրավիրում է շաբաթ օրը՝ քննարկելու հաջորդ քայլերը:

«Մենք պատրաստ ենք օգնել վերջ տալ այս պատերազմին արդար և մշտական ​​ձևով, որը թույլ կտա Ուկրաինային վայելել իր ազատությունը»,- ասել է  Բրիտանիայի վարչապետը։

Նմանատիպ կարծիք է հայտնել նաև Իտալիայի վարչապետ Ջորջիա Մելոնին՝ ողջունելով բանակցությունների արդյունքները։

«Իտալիան լիովին աջակցում է ԱՄՆ-ի ջանքերին՝ նախագահ Դոնալդ Թրամփի գլխավորությամբ՝ հասնելու արդար խաղաղության, որը երաշխավորում է Ուկրաինայի երկարաժամկետ անվտանգությունը: Այժմ որոշումը Ռուսաստանինն է»,- ասվում է Իտալիայի կառավարության հայտարարության մեջ։

Հիշեցնենք, որ նախօրեին Ուկրաինայի և ԱՄՆ-ի բանակցություններից հետո երկու երկրները համատեղ հայտարարության մեջ նշել էին, որ Սպիտակ տունը «անհապաղ կվերացնի հետախուզական տվյալների փոխանակման դադարը և կվերսկսի Ուկրաինային անվտանգության աջակցությունը»:

Կիևը նաև «պատրաստակամություն է հայտնել ընդունելու անհապաղ, միջանկյալ 30-օրյա հրադադարի հաստատման ԱՄՆ-ի առաջարկը, որը կարող է երկարաձգվել կողմերի փոխադարձ համաձայնությամբ, որը ենթակա է ընդունման և միաժամանակ իրականացման Ռուսաստանի Դաշնության կողմից»։

Թարգմանությունը՝ Էմմա Չոբանյանի