24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Արագածում կորած քաղաքացու դին են հայտնաբերել
12.03.2025 | 10:41
Փրկարարները հայտնաբերել են Արագած լեռան վրա ձնահյուսի հետևանքով կորած քաղաքացու դին, հաղորդում է ՆԳՆ Փրկարար ծառայությունը։
Հիշեցնենք՝ մարտի 11-ին ժամը 15:26-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ էր ստացվել, որ Արագած լեռան հյուսիսային գագաթին տեղի է ունեցել ձնահյուս․ 9 անձից բաղկացած արշավախումբը մնացել է ձնահյուսի տակ, 8 անձ դուրս է եկել, իսկ 1-ն անհետ կորել է։
Դեպքի վայր էր մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Որոնողափրկարարական աշխատանքներին ներգրավվել է երկու ուղղաթիռ։
Որոնողական աշխատանքներն այսօր վաղ առավոտյան վերսկսվել էին։
