19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ուկրաինական ԱԹՍ-ները հարձակվել են Սամարայում նավթավերամշակման գործարանի վրա
Քաղաքականություն
10.03.2025 | 14:56
Մարտի լույս 10-ի գիշերը ուկրաինական անօդաչու սարքերը հարձակվել են Սամարայի մարզի Նովոկույբիշևսկի նավթավերամշակման գործարանի վրա, գրում է Meduza-ն։
Տեղի բնակիչները հայտնել են չորս պայթյունի մասին, հաղորդում է Shot Telegram ալիքը: Սամարայի շրջանի ղեկավար Վյաչեսլավ Ֆեդորիշչևը հաստատել է անօդաչու թռչող սարքի հարվածը Նովոկուիբիշևսկին։
«Այս գիշեր հակառակորդը ևս մեկ փորձ է կատարել հարձակվելու մեր ձեռնարկությունների վրա։ Անհաջող էր: Նովոկույբիշևսկում երեք անօդաչու թռչող սարք է ոչնչացվել։ Չկան հրդեհներ և վնասներ, ամեն ինչ նորմալ ռեժիմում է»,- գրել է նա։
Միաժամանակ, ՌԴ ԱԻՆ-ը հայտնել է տեղի Մոլոդոգվարդեյսկայա փողոցում 1500 քառակուսի մետր մակերեսով հրդեհի մասին։ Այս փողոցում է գտնվում նավթավերամշակման գործարաններից մեկը։ ԱԻՆ-ից հայտնում են, որ հրդեհի մարման աշխատանքներին ներգրավվել է 87 աշխատակից և 27 միավոր տեխնիկա։
Տարածաշրջանային իշխանություններն ու Արտակարգ իրավիճակների նախարարությունը դեռևս պաշտոնապես չեն կապում անօդաչու թռչող սարքի հարձակումն ու նավթավերամշակման գործարանի մոտ բռնկված հրդեհը։
Ռուսաստանի ՊՆ-ն էլ հայտնել է մարտի լույս 10-ի գիշերը ուկրաինական ինը անօդաչու թռչող սարքերի ոչնչացման մասին։ Հաղորդագրությունում ասվում է, որ երեք անօդաչու թռչող սարք է խոցվել Սամարայի, երկուսը՝ Վորոնեժի և Օրյոլի շրջանների, մեկական՝ Բելգորոդի և Կուրսկի շրջանների վրա:
Ազգային անվտանգության և պաշտպանության խորհրդի ապատեղեկատվությանը հակազդման ուկրաինական կենտրոնի ղեկավար Անդրեյ Կովալենկոն հայտարարել է, որ անօդաչուների թիրախը հենց Նովոկույբիշևսկի նավթավերամշակման գործարանն է եղել։ Այն ռազմավարական նշանակություն ունի ռուսական բանակի համար, քանի որ ապահովում է ռազմական գործողությունների համար վառելիքի կայուն մատակարարում։
Թարգմանությունը՝ Էմմա Չոբանյանի
