07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Թուրքիայի ՊՆ-ն PKK-ին կոչ է արել զինաթափվել և լուծարվել
Քաղաքականություն
06.03.2025 | 21:38
Թուրքիայի Պաշտպանության նախարարության պաշտոնյաները կոչ են արել անհապաղ զինաթափել և լուծարել PKK-ն և բոլոր հարակից խմբավորումները՝ ընդգծելով, որ այդ կազմակերպությունները պետք է «վերջացնեն ահաբեկչական գործողությունները, կազմալուծվեն և անվերապահորեն հանձնեն իրենց զենքերը», գրում է TRT Haber-ը։
«PKK-ն և նրա հետ փոխկապակցված բոլոր խմբավորումները պետք է վերջ տան իրենց ահաբեկչական գործունեությանը, ինքնալուծարվեն և անհապաղ ու անվերապահորեն վայր դնեն զենքերը։ Չպետք է փորձ արվի խառնաշփոթ ստեղծել՝ տեքստում չներառված հրադադարի մասին հարցեր բարձրացնելով։ Ինչպես հայտարարեց մեր նախարարը՝ մենք թույլ չենք տա սաբոտաժ կամ ձգձգում այս գործընթացում։ Հատկանշական է, որ կազմակերպությունը, թեկուզ ուշացումով, վերջապես հասկացավ, որ ահաբեկչության միջոցով ոչ մի բանի հնարավոր չէ հասնել, որ այն ավարտել է իր կյանքի տևողությունը և այլ ելք չունի, քան ինքնալուծարվելը»,- ասել են աղբյուրները։
Հիշեցնենք, որ Քուրդիստանի աշխատավորական կուսակցության (PKK) բանտարկված առաջնորդ Աբդուլլահ Օջալանը կոչ էր արել իր խմբավորմանը վայր դնել զենքերը և ցրվել։
Թարգմանությունը՝ Էմմա Չոբանյանի
