19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Քոչարյանն իրականությունը սև գույնով ներկելու մոլուցք ունի. Միրզոյան
05.03.2025 | 20:14
ՀՀ-ն չի ստանձնել որևէ պարտավորություն, ներառյալ՝ տարածաշրջանային ենթակառուցվածնքերի ապաշրջափակման վերաբերյալ, որը չի կատարել։ Այս մասին ԱԺ-Կառավարություն հարցուպատասխանի ժամանակ հայտարարեց ՀՀ ԱԳ նախարար Արարատ Միրզոյանը՝ արձագանքելով Ադրբեջանի ԱԳՆ-ի՝ տարածաշրջանային ապաշրջափակման վերաբերյալ ՀՀ-ի առաջարկների մասին հայտարարությունն այն մասին, թե հայկական կողմը, իբր, այն չի կատարում։
«Քանիցս ասել ենք, որ պատրաստ ենք օր առաջ բացել տարածաշրջանային ենթակառուցվածքները։ Մենք առաջարկել ենք նաև Խաղաղության խաչմերուկ ծրագիրը»,- հավելեց նախարարը։
Միրզոյանին հարց ուղղող ՔՊ-ական պատգամավոր Լիլի Մինասյանը հիշեցրեց Ռոբերտ Քոչարյանի ասուլիսի ժամանակ արված այն հայտարարությունը, թե ՀՀ-ն չի համագործակցում այնպիսի երկրների հետ, ինչպիսին Չինաստտանն է։ Պատգամավորը ԱԳ նախարարից հետաքրքրվեց այդ համագործակցության մասին։
«Տիկի՛ն Մինասյան, ես կարող ասել, որ Ձեր նշած անձը կա՛մ անտեղյակությունից, կա՛մ իրականությունը սև գույնով ներկելու մոլուցքից է այդպիսի հայտարարություն արել։ Մենք, իհարկե, Չինաստանի և Հնդկաստանի հետ երկխոսության մեջ ենք։ Մեր համագործակցությունն ընդգրկում է տարատեսակ ոլորտներ»,- մեկնաբանեց նախարարը։
Մանրամասները՝ տեսանյութում։
