25.05.2026 | 17:03
Ջերմաստիճանը կբարձրանա 4-6 աստիճանով
Դեսպան Խաչատրյանը հանդիպել է Իլ-դե-Ֆրանս ռեգիոնի նախագահին
Քաղաքականություն
05.03.2025 | 16:23
Մարտի 4-ին Ֆրանսիայում ՀՀ դեսպան Արման Խաչատրյանը հանդիպել է Ֆրանսիայի Իլ-դե-Ֆրանս ռեգիոնի նախագահ Վալերի Պեկրեսին. հայտնում են Ֆրանսիայում ՀՀ դեսպանությունից։
Հանդիպման ընթացքում դեսպան Խաչատրյանը երախտագիտություն է հայտնել Իլ-դե-Ֆրանս ռեգիոնի նախագահին Հայաստանին և հայ ժողովրդին վերաբերող հարցերը մշտապես ուշադրության կենտրոնում պահելու, հայ ժողովրդին բացառիկ համերաշխության և շարունակական աջակցության ցուցաբերման համար։ Հայաստանի դեսպանը բարձր է գնահատել Իլ-դե-Ֆրանսի շրջանային խորհրդի՝ ի նպաստ Հայաստանի և հայ ժողովրդի, բանաձևերի ընդունումն ու մի շարք նախաձեռնությունները:
Անդրադարձ է կատարվել Երևանի և Իլ-դե-Ֆրանս ռեգիոնի միջև քաղաքաշինության, տրանսպորտի, աղբահանության, ֆրանկոֆոնիայի ոլորտներում ընթացող արդյունավետ համագործակցությանը։ Ընդգծվել է այդ գործակցության ընդլայնման ու ինստիտուցիոնալ բնույթով շարունակելու կարևորությունը։
Վալերի Պեկրեսը վերահաստատել է իր ու Իլ-դե-Ֆրանսի շրջանային խորհրդի հանձնառությունը՝ շարունակելու հայ և ֆրանսիացի ժողովուրդների միջև բարեկամության ամրապնդմանն ու Հայաստան-Ֆրանսիա գործընկերության զարգացմանն ուղղված գործունեությունը:
Դեսպանը Խաչատրյանը ներկայացրել է Հարավային Կովկասում հարատև խաղաղության և կայունության հաստատմանն ուղղված Հայաստանի մոտեցումները, անդրադարձել Ադրբեջանում ապօրինաբար պահվող հայազգի ռազմագերիների, պատանդների և այլ պահվող անձանց ազատ արձակման հրատապ խնդրին
