ԱՄՆ Գանձապետարանը երբեք չի աջակցել Ամուլսարը հանք դարձնելու ծրագրին․ ՀԲՃ

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Հայկական բնապահպանական ճակատը հայտարարություն է տարածել, որում ասվում է, որ Միացյալ Նահանգների Գանձապետարանը երբեք չի աջակցել Ամուլսարը հանք դարձնելու ծրագրին։

Հայտարարությունը՝ ստորև։

«Դատապարտելով Հայաստանի կառավարության հերթական անհեռատես, տնտեսապես տգետ և ժողովրդի կամքին ու դատական վճռին հակառակվող որոշումը՝ կապված Լիդիան ընկերությանը 150 մլն ԱՄՆ դոլարի բյուջետային երաշխիք տալու հետ,

Նկատելով, որ ԱՄՆ դիվանագիտական ներկայացուցչությունը Հայաստանում, ի տարբերություն ԱՄՆ կենտրոնական տարբեր գերատեսչությունների, չի դադարում հանքարդյունաբերական կապիտալի շահերը տարբեր եղանակներով պաշտպանելուց, այդ թվում՝ գործադրելով քաղաքական լծակներ,

Հայտարարում ենք, որ․

ԱՄՆ Գանձապետարանը (US Treasury)՝ ֆինանսական կարևորագույն որոշումներ ընդունող մարմինը ԱՄՆ-ում և թերևս ողջ աշխարհում, ԵՐԲԵՔ ՉԻ ԱՋԱԿՑԵԼ ԱՄՈՒԼՍԱՐԻ ՀԱՆՔԱՐԴՅՈՒՆԱԲԵՐԱԿԱՆ ԾՐԱԳՐԻՆ։ Այդ մասին գիտենք Գանձապետարանի ներկայացուցիչների հետ բանավոր խոսակցություններից և զարգացման բանկերի՝ Միջազգային ֆինանսական կորպորացիայի (IFC) և Եվրոպական վերակառուցման և զարգացման բանկերի (EBRD) կողմից Ամուլսարի ծրագրի վարկավորումը հաստատելու քվեարկության արդյունքներից։

Որպես ապացույց ներկայացնում ենք 2016 թ․ հուլիսի քվեարկության արդյունքները, երբ EBRD-ի կողմից հանքի կառուցման փուլում վարկն էր հաստատվում, և Գանձապետարանը ՁԵՌՆՊԱՀ Է ՔՎԵԱՐԿԵԼ՝ պատճառաբանության մեջ նշելով Փելոսիի օրենքի և բնապահպանական քաղաքականության հետ կապված մտահոգություններ։ Փելոսիի օրենքը (Pelosi Amendment) 1989 թ․ դեմոկրատական կուսակցության անդամ Նենսի Փելոսիի ջանքերով ընդունված օրենսդրական ակտ է, որը ԱՄՆ կառավարությունից պահանջում է ՁԵՌՆՊԱՀ ԿԱՄ ԴԵՄ ՔՎԵԱՐԿԵԼ (զարգացման միջազգային բանկերի կողմից MDB) վարկավորման այնպիսի ծրագրերի դեպքում, երբ դրանք ունեն զգալի ազդեցություն միջավայրի վրա կամ միջավայրի վրա ազդեցության գնահատումը հանրայնացված չի եղել որոշումն ընդունելուց 120 օր առաջ։ Բանավոր զրույցների ժամանակ մեզ վստահեցրել են, որ  A կատեգորիայի (ծայրահեղ ազդեցություն) ծրագրի նկատմամբ Գանձապետարանի և ԱՄՆ մի շարք այլ գերատեսչությունների դիրքորոշումը եղել է բացասական, որի պատճառով Գանձապետարանը կողմ չի քվեարկել։ Անշուշտ, վարկավորումն առաջ է գնացել զարգացման բանկերի այլ բաժնետերերի քվեարկման արդյունքում (քվեարկության արդյունքների պաշտոնական հրապարակումը՝ այստեղ https://home.treasury.gov/system/files/206/July2016.pdf):

Հայաստանի կառավարությունը՝ ի դեմս վարչապետ Փաշինյանի և Ամուլսարի հարցում ակտիվ դերակատարություն ունեցող փոխվարչապետ Գրիգորյանի, պատասխանատվություն են կրում ոչ միայն Ամուլսարը հանք դարձնելու աղետաբեր էկոլոգիական ու սոցիալական ռիսկերը մասնավոր ընկերության պատասխանատվության դաշտից Հայաստանի քաղաքացիների վրա տեղափոխելու համար, այլև այս անգամ արդեն ֆինանսական անխոհեմ և չհաշվարկված որոշման համար, ինչպիսին նույնիսկ ԱՄՆ Գանձապետարանը հանձն չի առել ընդունել։ Հայաստանի կառավարությունը ֆինանսական այդ ահռելի բեռը Հայաստանի բնակիչների վրա են դնում, և դա իսկապես դառնալու է բեռ, քանի որ արդեն տասնհինգ տարուց ավելի ձգվող այս անիրագործելի և աղետաբեր ծրագիրը մարդիկ թույլ չեն տալու կյանքի կոչել»,- ասված է հայտարարությոունում։