08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բաքուն արձագանքել է Նիկոլ Փաշինյանին․ «ՀՀ-ն չպետք է խուսափի իր պարտավորություններից և գործնական քայլեր ձեռնարկի»
Քաղաքականություն
04.03.2025 | 19:22
Ադրբեջանի ԱԳՆ մամուլի խոսնակ Այխան Հաջիզադեն արձագանքել է ՀՀ վարչապետ Նիկոլ Փաշինյանի՝ «Արմենպրեսս»-ում հրապարակված հոդվածին, որը վերաբերվում է Հայաստանի և Ադրբեջանի միջեւ հաղորդակցության ուղիների բացմանը։
«Հայտնի է, որ Հայաստանը, որը շուրջ 30 տարի օկուպացիայի տակ էր պահում Ադրբեջանի միջազգայնորեն ճանաչված ինքնիշխան տարածքները, որոնց պատճառով Նախիջևանի Ինքնավար Հանրապետությունը հայտնվել է շրջափակման մեջ, 44-օրյա պատերազմից հետո անգամ չորս տարի դրական ներդրում չունեցավ հաղորդակցությունների բացման իրական բանակցային գործընթացում»,- հայտարարել է Հաջիզադեն։
Ըստ Բաքվի՝ Հայաստանը, որը «գիտի իր գրավոր և ստորագրված պարտավորությունների մասին Ադրբեջանի արևմտյան շրջանները Նախիջևանի Ինքնավար Հանրապետության հետ կապող հաղորդակցությունների բացման հետ կապված, մինչ օրս չի կատարել դրանք»:
«Ընդհանուր առմամբ, Հայաստանի առաջարկները երթուղիների վերաբերյալ, որոնք դժվար իրագործելի և երկար են, նպատակ ունեն ուշադրությունը շեղել գործընթացից և իր պարտավորություններից: Եթե հայկական կողմն իսկապես շահագրգռված է տարածաշրջանում հաղորդակցությունների բացմամբ, ապա չպետք է խուսափի իր պարտավորություններից և պետք է գործնական քայլեր ձեռնարկի տարածաշրջանում նոր իրողություններին համապատասխան հաղորդակցությունների բացման ուղղությամբ»,- հայտարարել է Ադրբեջանի ԱԳՆ խոսնակը։
Թարգմանությունը՝ Էմմա Չոբանյանի
