17.07.2026 | 21:00
ՔՆՆԱՐԿՈւՄ․ Իսպանիա vs Արգենտինա․ Ֆուտբոլային մեծ բախում՝ Աշխարհի չեմպիոնի գավաթի համար․ ո՞ր թիմը կհաղթի․ ՏԵՍԱՆՅՈՒԹ
Գերմանական Մանհայմում ավտոմեքենան մխրճվել է ամբոխի մեջ․ զոհ ու վիրավորներ կան
Քաղաքականություն
03.03.2025 | 17:46
Գերմանիայի Մանհայմ քաղաքում մեքենան մխրճվել է մարդկանց ամբոխի մեջ, այսպես կոչված, «խելագար երկուշաբթի» օրը՝ Մեծ պահքի մեկնարկից առաջ վերջին երկուշաբթին (Rosenmontag)։ Այս մասին հայտնում է dpa գործակալությունը՝ վկայակոչելով ականատեսներին։ Լրագրողները դեպքի վայրում նկատել են առնվազն մեկ դի, գրում է DW-ի ռուսական ծառայությունը։
NTV հեռուստաալիքի եթերում ոստիկանության ներկայացուցիչը հայտարարել է, որ «դեռևս չի կարող հաստատել», որ միջադեպի հետևանքով զոհեր են եղել։
Մինչդեռ Reuters գործակալությունը, վկայակոչելով նաև ականատեսներին, հայտնում է, որ մի քանի մարդ պառկած է գետնին։
Նշվում է, որ իրավապահները լայնածավալ գործողություն են իրականացնում քաղաքի կենտրոնում։ Ոստիկանության տվյալներով՝ միջադեպը տեղի է ունեցել քաղաքի կենտրոնական հրապարակում, որտեղ դիմակահանդեսային երթ էր անցկացվում։
Ոստիկանությունը քաղաքացիներին կոչ է արել խուսափել Մանհայմի կենտրոնից և մնալ տներում: Ոստիկանությունն իրավիճակը գնահատել է «կյանքի համար վտանգավոր»։
Թարգմանությունը՝ Էմմա Չոբանյանի
