08.09.2026 | 22:34
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Կրեմլը՝ Սպիտակ տանը Թրամփի և Զելենսկիի միջև թեժ բանավեճին Պուտինի արձագանքի մասին
Քաղաքականություն
03.03.2025 | 16:25
ՌԴ նախագահ Վլադիմիր Պուտինը տեղյակ է բոլոր նրբություններից, թե ինչ է տեղի ունեցել անցյալ ուրբաթ Սպիտակ տան Օվալաձև աշխատասենյակում ԱՄՆ նախագահ Դոնալդ Թրամփի, փոխնախագահ Ջեյ Դի Վենսի և Ուկրաինայի նախագահ Վլադիմիր Զելենսկիի հանդիպման ժամանակ։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։
«Նախագահը ծանոթ է տեղի ունեցածի էությանը: Նա գիտի բոլոր նրբությունները», – ասել է Կրեմլի խոսնակը։
Նրա խոսքով՝ տեղի է ունեցել աննախադեպ իրադարձություն։
«Զելենսկին շատ առումներով ցուցադրել է դիվանագիտական հմտությունների իսպառ բացակայություն։ Ռուսական կողմը համոզված է Պուտինի ճշմարտացիության մեջ»,- հայտարարել է Պեսկովը՝ հավելելով, որ Պուտինը հաշվի է առել տեղի ունեցածը։
Պեսկովը նշել է, թե հաստատվել է Ռուսաստանի ղեկավարի այն թեզը, որ «Մոսկվայի բարի մտադրությունները բանակցային գործընթացի հետ կապված խոչընդոտվում են Կիևի ռեժիմի չկամության պատճառով»։
«Մենք դա տեսանք Վաշինգտոնում»,- եզրափակել է Կրեմլի խոսնակը։
Հիշեցնենք, որ Սպիտակ տան Օվալաձև աշխատասենյակում ԱՄՆ նախագահ Դոնալդ Թրամփի, Ուկրաինայի նախագահ Վլադիմիր Զելենսկիի, ինչպես նաև ԱՄՆ փոխնախագահ Ջեյ Դի Վենսի միջև թեժ բանավեճ է տեղի ունեցել։
Թարգմանությունը՝ Էմմա Չոբանյանի
