25.05.2026 | 21:37
ՔՊ-ն քարոզարշավը հրավառությամբ սկսեց, գունավոր ծխի դատարկ պարկուճները թափվեցին հրապարակում
Ուկրաինայի ռազմաճակատի գիծը «շարունակում է մոտենալ» ԵՄ-ին․ Ֆրանսիայի ԱԳ նախարար
Քաղաքականություն
03.03.2025 | 15:02
Ֆրանսիայի արտաքին գործերի նախարար Ժան-Նոել Բարրոն հայտարարել է, որ ուկրաինական «առաջնագիծը շարունակում է ավելի մոտենալ» Եվրոպային՝ մեծացնելով եվրոպական պատերազմի հավանականությունը, գրում է France 24-ը։
«Երբեք Եվրոպայում, Եվրամիությունում պատերազմի վտանգն այդքան մեծ չի եղել, սպառնալիքը շարունակում է ավելի մոտենալ մեզ, ճակատային գիծը շարունակում է մոտենալ»,- ասել է նա France Inter ռադիոկայանի հետ զրույցում։
Բացի այդ, նա հայտարարել է, որ Ռուսաստանի և Ուկրաինայի միջև օդային, ծովային ու էներգետիկ ենթակառուցվածքների վերաբերյալ զինադադարը, եթե ընդունվի, կարող է Ուկրաինային և նրա դաշնակիցներին թույլ տալ որոշել՝ արդյո՞ք ՌԴ նախագահ Վլադիմիր Պուտինը գործում է բարեխղճորեն և պատրաստ է լրջորեն բանակցություններ սկսել երկարաժամկետ խաղաղության համաձայնագրի շուրջ։
Հիշեցնենք, որ Ֆրանսիայի նախագահ Էմանուել Մակրոնն ավելի վաղ հայտարարել էր, որ Ֆրանսիան և Մեծ Բրիտանիան առաջարկում են մասնակի մեկամսյա զինադադար, որը չի վերաբերվի ցամաքային մարտերին։
Թարգմանությունը՝ Էմմա Չոբանյանի
