08.09.2026 | 22:18
Ֆրանսիան, Մեծ Բրիտանիան և ևս 10 երկիր արգելել են Արևմտյան ափի իսրայելական բնակավայրերից ապրանքների ներմուծումը
Ֆրանսիան և Մեծ Բրիտանիան առաջարկում են մեկամսյա հրադադար սահմանել Ուկրաինայում
Քաղաքականություն
03.03.2025 | 12:09
Ֆրանսիան և Մեծ Բրիտանիան առաջարկում են մեկամսյա հրադադար սահմանել Ուկրաինայում «օդում, ծովում և էներգետիկ ենթակառուցվածքների համար»։ Այս մասին հայտարարել է Ֆրանսիայի նախագահ Էմանուել Մակրոնը, գրում է AFP-ը, որին վկայակոչում է Al Arabiya-ն։
Ֆրանսիական Le Figaro թերթին տված հարցազրույցում Մակրոնն ասել է, որ նման հրադադարը, գոնե սկզբնական շրջանում, չի տարածվի ցամաքային մարտերի վրա»։
Նա նշել է՝ խնդիրն այն է, շատ դժվար կլիներ ստուգել, որ ցամաքում այն հարգվում է՝ հաշվի առնելով առաջնագծի չափը։
Ծրագրի երկրորդ մասը ենթադրում է, որ եվրոպական երկրները խաղաղապահ զորախումբ կուղարկեն Ուկրաինա, սակայն դա տեղի կունենա միայն հետագա փուլում։
Խաղաղապահները կտեղակայվեն ավելի ուշ՝ ասել է Մակրոնը՝ հավելելով. «Առաջիկա շաբաթների ընթացքում ուկրաինական հողում եվրոպական զորքեր չեն լինի»:
Ըստ Ֆրանսիայի նախագահի՝ եվրոպական երկրները պետք է բարձրացնեն իրենց պաշտպանական ծախսերը մինչև ՀՆԱ-ի 3,0-3,5 տոկոսի չափով՝ արձագանքելու Վաշինգտոնի փոփոխվող առաջնահերթություններին և Ռուսաստանի ռազմականացմանը:
«Երեք տարի շարունակ ռուսները իրենց ՀՆԱ-ի 10 տոկոսը ծախսել են պաշտպանության վրա։ Ուստի մենք պետք է պատրաստվենք՝ ինչ է լինելու հաջորդիվ»,- ասել է նա։
Թարգմանությունը՝ Էմմա Չոբանյանի
