25.05.2026 | 23:29
Բողոքի ցույցերից հետո Էրդողանը վերաբացել է Ստամբուլի հայտնի համալսարանը
Ժողովրդավարության զարգացման հիմնադրամը պահանջում է դադարեցնել հայ ռազմագերիների հետապնդումը
Քաղաքականություն
27.02.2025 | 19:19
Ժողովրդավարության զարգացման հիմնադրամը հայտարարություն է տարածել՝ նշելով, որ միանում է ՀԲԸՄ կոչին՝ պահանջելով դադարեցնել Բաքվում պահվող բոլոր հայ ռազմագերիների և ապօրինի կալանավորվածների նկատմամբ Ադրբեջանի հետապնդումը։
Հիմնադրամը նշել է, որ հատկապես մտահոգված են հացադուլ հայտարարած Ռուբեն Վարդանյանի վատթարացող առողջական վիճակով։
Հիշեցնենք, որ Բաքվում հունվարի 17-ին մեկնարկել է Արցախի նախկին ռազմաքաղաքական ղեկավարների գործով դատաքննությունը, որն ընթանում է փակ ռեժիմով՝ Բաքվի զինվորական դատարանում։ Արցախի նախկին պետնախարար Ռուբեն Վարդանյանի գործն առանձին է քննվում։
Բաքվի դատարանում հացադուլի պատճառով Ռուբեն Վարդանյանի ինքնազգացողությունը վատացել է. նա հրաժարվել է ցուցմունք տալ և պատասխանել հարցերի։ Նրա փաստաբան Ջարեդ Գենսերն անդրադարձել է Ռուբեն Վարդանյանի առողջական վիճակին՝ նշելով, որ նրա առողջությունը վտանգված է։ Գենսերը կոչ է արել Ադրբեջանի կառավարությանը՝ թույլ տալ միջազգային թիմի բժշկին այցելելու նրան, անհապաղ կերպով ապահովելու անհրաժեշտ բժշկական օգնությամբ, ներառյալ նրա առողջական վիճակի մոնիտորինգը, որի կարիքը նա ունի, ինչպես նաև հետաձգել դատավարությունը մինչև հացադուլի դադարեցումը: Փաստաբանը նաև կոչ է արել աշխարհի առաջնորդներին, Հայաստանի վարչապետ Նիկոլ Փաշինյանին, դատապարտել այս ցուցադրական դատավարությունը, այն որակել որպես քաղաքական և ապօրինի:
