19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ադրբեջանում շարունակվում են պետական տեղեկատվական ռեսուրսների վրա զանգվածային կիբերհարձակումները
Քաղաքականություն
27.02.2025 | 23:26
Ադրբեջանում մի քանի օր է` շարունակվում են զանգվածային DDoS հարձակումները պետական տեղեկատվական ռեսուրսների վրա։ Հատուկ հաղորդակցության և տեղեկատվության պաշտպանության պետական ծառայության տվյալներով՝ աշխատանքներ են տարվում կիբերհարձակումները կանխելու ուղղությամբ։
Փակ է նաև Ադրբեջանի պետական մարմինների պաշտոնական կայքերի հասանելիությունը։ Պետական գործակալությունը նշում է, որ երբեմն իրական IP հասցեները նույնպես կարող են արգելափակվել։
«Պետական տեղեկատվական ռեսուրսներից օգտվող քաղաքացիներին խորհուրդ է տրվում հաշվի առնել իրենց IP հասցեների հնարավոր կարճաժամկետ ժամանակավոր արգելափակումը աննորմալ թրաֆիկի մաքրման ժամանակահատվածում»,- ասվում է հաղորդագրության մեջ։
Հիշեցնենք, որ փետրվարի 20-ին Ադրբեջանում մի շարք իշխանամերձ լրատվական կայքերի վրա խոշոր հաքերային հարձակումներ էին տեղի ունեցել։ Հարձակումների թիրախ էին դարձել Global Media Group մեդիախմբի մաս կազմող Report լրատվական գործակալությունը, Oxu.az, Media.az, Baku.ws և Caliber.az լրատվական կայքերը, Baku TV-ն, Azpolitika.info կայքը:
Հաքերները փոխել էին այն կայքերի գլխավոր էջերը, որոնց վրա հարձակվել էին և տեղադրել իրենց «Հուսեյնիստներ» կոչվող խմբի լոգոն, որն իրեն անվանում է «Ադրբեջանի իսլամական դիմադրության շարժում»: Այս կազմակերխությունը ֆինանսավորվում ու աջակցվում է Իրանի կողմից։
Թարգմանությունը՝ Էմմա Չոբանյանի
