16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ադրբեջանի իշխանամերձ լրատվամիջոցները զանգվածային հաքերային հարձակման են ենթարկվել
Քաղաքականություն
20.02.2025 | 15:45
Ադրբեջանում իշխանամերձ մի շարք լրատվամիջոցներ հաքերային հարձակման են ենթարկվել, դրանց կայքերի աշխատանքը խափանվել է։
Խոսքը «Global Media Group»-ին պատկանող բազմաթիվ լրատվամիջոցների մասին է, որոնց թվում են «Report.Az»-ը, «Oxu.Az»-ը, «Media.Az»-ը, «Baku.ws»-ը, «Caliber.Az»-ը և «Baku TV»-ն։
Նշվում է, որ, օրինակ, Report.az-ի կայքում բացվում է Ղուրանից մի հատված ու պատկեր, որում շիական «Հուսեյնիստներ» շարժման նշանն է։ Այն, ըստ ադրբեջանական լրատվամիջոցների, կապված է Իրանի հետ։
Հավելեք, որ «Global Media Group»-ը կառավարամետ մեդիա հոլդինգ է, որը գործում է 2017 թվականից և վերահսկվում է Ադրբեջանի կառավարության կողմից։ Ընկերությունների խումբը ներառում է հեռուստաալիքներ, լրատվական գործակալություններ, թերթեր և այլ ընկերություններ, որոնք գործում են Ադրբեջանում և արտերկրում։
Կիբերհարձակումների հետ հապված մեդիա հոլդինգը հայտարարություն է տարածել՝ նշելով, որ շտապ միջոցներ են ձեռնարկվում զանգվածային կիբերհարձակումների փորձերը կանխելու համար։ Ներկայում մասնագետներն աշխատում են կայքերի վերականգնման ուղղությամբ։
«Ցանկանում ենք ընդգծել, որ սա սովորական DDoS հարձակում չէ, այլ պրոֆեսիոնալ բարդ կիբերհարձակում։ Միաժամանակ, այս բոլոր հարձակումների մասին հաղորդվել է իրավասու մարմիններին։ Աշխատանքներ են տարվում խնդրի լուծման ուղղությամբ»,- ասվում է հաղորդագրությունում։
Թարգմանությունը՝ Էմմա Չոբանյանի
