24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Սումգայիթում տեղի ունեցածը ցեղասպանության ակտ էր․ Վիլեն Գաբրիելյան․ ՏԵՍԱՆՅՈՒԹ
Հասարակություն
27.02.2025 | 16:03
Երևանում մեկնարկել է «ԼՂ․ Փախստականներ, իրավունքներ և հնարավորություններ» խորագրով երկօրյա միջազգային գիտաժողովը։
ՔՊ պատգամավոր, «Գարդման-Շիրվան-Նախիջևան» համահայկական միության նախագահ Վիլեն Գաբրիելյանը գիտաժողովի ընթացքում ներկայացրեց «էթնիկ զտումները պատմական Գարդմանում, Շիրվանում և Նախիջևանում 1988-1992 թվականներին» զեկույցը։
Գաբիրելյանի խոսքով՝ վստահորեն կարող ենք պնդել, որ 1988 թ․ փետրվարի 27-29 Սումգայիթում տեղի ունեցածը ցեղասպանական ակտ էր, որն էլ փաստացի սկիզբ դրեց պատմական Գարդմանի, Շիրվանի և Նախիջևանի տարածքում հայության նկատմամբ ադրբեջանական ցեղասպանության հերթական շղթային։
Նա մատնանշեց, որ այդ ժամանակաշրջանում Ադրբեջանը հանրային գրեթե բոլոր վայրերում «մեզ հայերի գլուխներ են պետք», «մահ հայերին», «հայե՛ր, ռա՛դ եղեք» կարգախոսներ էր հնչեցնում։
«Մենք բազմիցս բարձրաձայնել ենք ինչպես Սումգայիթի, այնպես էլ 1988-1992թթ․ պատմական Գարդմանի, Շիրվանի, Նախիջևանի տարածքում հայության հանդեպ էթնիկ զտումների իրականացման պատասխանատուների պատժի ու պատասխանատվության կարևորության մասին թե՛ միջազգային կազմակերպություններին հղած մեր նամակներով և կոչերով, թե՛ միջազգային իրավարար կազմակերպությունների կազմակերպած միջոցառումներին մեր մասնակցության ժամանակ»,-իր ելույթում ընդգծեց պատգամավորը։
Մանրամասները՝ տեսանյութում։
