06.12.2025 | 13:22
Գուգարաց թեմի քահանաները հանդես են եկել հայտարարությամբ՝ ի պաշտպանություն Գարեգին Բ կաթողիկոսի
Հայաստանն ու Վրաստանը տարածաշրջանի միակ «մասամբ ազատ» երկրներն են․ Freedom House
Քաղաքականություն
27.02.2025 | 14:52
Freedom House միջազգային իրավապաշտպան կազմակերպությունը հրապարակել է «Ազատությունն աշխարհում 2025» տարեկան զեկույցը, որում գնահատվում է աշխարհում քաղաքական իրավունքների և քաղաքացիական ազատությունների վիճակը: Ընդհանուր առմամբ, Freedom House-ի վարկանիշը ներառում է 195 երկիր և 13 տարածք, որոնց ազատությունը գնահատվում է 25 ցուցանիշով (յուրաքանչյուրին տրվում է մինչև չորս միավոր)։
Զեկույցի համաձայն՝ Հայաստանը կրկին «մասամբ ազատ» երկրների խմբում է։ Միավորների թիվը նախորդ տարվա համեմատ չի փոխվել։ Հայաստանն ունի ընդհանուր 100-ից 54 միավոր, քաղաքական իրավունքների համար՝ 40-ից 23 միավոր, քաղաքացիական ազատությունների համար՝ 60-ից 31 միավոր։
ՀՀ հարևան երկրներից Վրաստանը նույնպես «մասամբ ազատ երկրների» խմբում է՝ 55 միավորով։ Նախորդ տարվա 58 միավորի համեմատ՝ այս տարի Վրաստանը հետընթաց է գրանցել։
Ադրբեջանն ունի 100-ից 7 միավոր ունի և «ոչ ազատ» երկրների խմբում է։ Վերջին 11 տարում երկիրը նահանջել է 13 տեղով։ Թուրքիան ունի 33 միավոր, Իրանը՝ 11։ Այս երկու երկրները նույնպես «ոչ ազատ» խմբում են։
Թարգմանությունը՝ Էմմա Չոբանյանի
