20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Դատարանը սահմանափակեց Էդգար Ղազարյանի խոսքը. նրա նկատմամբ կիրառվեց վարչական վերահսկողություն
Հասարակություն
23.02.2025 | 11:01
Երևանի առաջին ատյանի ընդհանուր իրավասության քրեական դատարանը
որոշեց վարչական վերահսկողություն կիրառել Լեհաստանում Հայաստանի արտակարգ և լիազոր նախկին դեսպան, քաղաքական գործիչ Էդգար Ղազարյանի նկատմամբ։
Նա իրավունք չունի մինչև գործի ավարտը հրապարակային կարծիք հայտնել դատավորների, քննիչների, դատախազների, հարկադիր կատարողների վերաբերյալ, հայտնել է փաստաբան Ռուբեն Մելիքյանը։
Նշենք, որ Էդգար Ղազարյանը մեղադրվում է ՀՀ քրեական օրենսգրքի 490-դ հոդվածի 2-րդ մասով՝ դատավորի, դատախազի, քննիչի, քննչական մարմնի ղեկավարի, հետաքննության մարմնի, փաստաբանի, ներկայացուցչի, փորձագետի կամ հարկադիր կատարողի նկատմամբ սպառնալիքը կամ նրանց մասին տեղեկություն հրապարակելը կամ նրանց գույքը ոչնչացնելը կամ վնասելը կամ նրանց նկատմամբ բռնություն գործադրելը։ Առաջադրված մեղադրանքը ենթադրում է մինչև 5 տարվա ազատազրկում։
Ավելի վաղ Ղազարյանի նկատմամբ նաև բացակայելու արգելք խափանման միջոց էր ընտրվել։
