Քաղաքականություն
02.05.2017 | 10:23
ԱՄՆ նախագահ Դոնալդ Թրամփն այսօր՝ մայիսի 2-ին, հեռախոսազրույց կունենա ՌԴ նախագահ Վլադիմիր Պուտինի հետ. տեղեկացնում է Reuters-ը՝ հղում անելով Սպիտակ տան տարածած հաղորդագրությանը:
Նշվում է, որ երկու տերությունների ղեկավարները կքննարկեն սիրիական հակամարտությունը, Մոսկվայի կողմից այդ երկրի նախագահ Բաշար ալ Ասադի ռեժիմին ցուցաբերվող աջակցությունը:
Հիշեցնենք, որ երկու առաջնորդների առաջին հեռախոսազրույցը կայացել է հունվարի վերջին, երկրորդը՝ ապրիլի սկզբին, երբ Թրամփը Պուտինին ցավակցություն է հայտնել Սանկտ-Պետերբուրգի ահաբեկչության առնչությամբ։
