27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Մեծ Բրիտանիան ՌԴ-ի կողմից խաղաղության ձգտում չի տեսնում․ ԱԳՆ ղեկավար
Քաղաքականություն
21.02.2025 | 14:31
Մեծ Բրիտանիայի արտաքին գործերի նախարար Դեյվիդ Լամմին հայտարարել է, որ չի տեսնում, թե Ռուսաստանը խաղաղության է ձգտում Ուկրաինայի հետ: Այս մասին նա Reuters-ին ասել է Յոհաննեսբուրգում G20-ի արտգործնախարարների փակ հանդիպումից հետո, որտեղ ելույթ է ունեցել ՌԴ նախարար Սերգեյ Լավրովը։
«Մենք անգամ մոտ չենք բանակցային կարգավորմանը»,- ասել է նա՝ պատասխանելով հարցին՝ արդյո՞ք Բրիտանիան կաջակցի Ուկրաինայում խաղաղապահների տեղակայմանը ԱՄՆ-ի կողմից անվտանգության երաշխիքների բացակայության դեպքում:
«Ես պետք է ասեմ, որ երբ ես լսում եմ ռուսներին և այն, ինչ Լավրովը հենց նոր ասաց դահլիճում, չեմ տեսնում իրական ձգտում խաղաղության հասնելու համար»,- հավելել է Լամմին։
Նրա խոսքով՝ այժմ կրիտիկական պահ է, եվրոպական երկրները պետք է մեծացնեն պաշտպանության համար ծախսերը։ Նա նաև հաստատել է պաշտպանական ծախսերը ՀՆԱ-ի 2,5%-ին հասցնելու և Ուկրաինային աջակցությունը շարունակելու նպատակը։
«Մենք հավատարիմ ենք Ուկրաինային տարեկան 3 միլիարդ ֆունտ սթերլինգ տրամադրել այնքան ժամանակ, քանի դեռ պատերազմը շարունակվում է»,- ասել է Մեծ Բրիտանիայի արտգործնախարարը։
Թարգմանությունը՝ Տաթև Ֆռանգյանի
