15.12.2025 | 17:13
Yandex Go-ի վարորդների բողոքի ակցիան. ՈւՂԻՂ
Տիգրան Ավինյանը ՔՊ նիստին էր մասնակցում՝ մինչ Երևանը տրանսպորտային կոլապսի մեջ էր
Հասարակություն
20.02.2025 | 23:04
Մինչ վերջին ժամերին կանգառներում մնացած երևանցիները փորձում էին ինքնուրույն հաղթահարել տրանսպորտային ճգնաժամը, քաղաքապետ Տիգրան Ավինյանը մասնակցում էր «Քաղաքացիական պայմանագիր» կուսակցության նախաձեռնող խմբի նիստին։
Ավտոբուսների վարորդները հրաժարվում էին վարել մեքենաները՝ զգուշանալով սառած ճանապարհներում վթարվելու վտանգից։ Իսկ ճանապարհները երթևեկելի չէին, քանի որ երեկոյան տեսանելի չէր օրինակ՝ աղ կամ ավազ ցանող, կամ՝ սառույցը չեզոքացնող մեքենաների աշխատանքը, ինչը հնարավորություն կտար ապահովել ավտոբուսների ընթացքը։
Արդյունքում՝ Factor TV-ի տեսախցիկը մայրաքաղաքի տարբեր հատվածներում ֆիքսել է բազմաթիվ դեպքեր, երբ մարդիկ ոտքով էին աշխատանքից վերադառնում տուն։
Հարց է առաջանում՝ քաղաքապետ Տիգրան Ավինյանը ինչո՞ւ է նախընտրել մասնակցել կուսակցության նախաձեռնող խմբի նիստին՝ քաղաքում առաջացած տրանսպորտային ճգնաժամի կառավարումով զբաղվելու փոխարեն։ Վարչապետի հրապարակած տեսանյութից պարզ է դառնում, որ նիստը տեղի է ունեցել այսօր երեկոյան՝ ճիշտ այն ժամին, երբ առատ տեղումներ էին և տրանսպորտային կոլապսը սկսվել էր։
Ռոբերտ Անանյան
