15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Ձերբակալվել է Վարդան Ղուկասյանը
Հասարակություն
20.02.2025 | 16:48
Գյումրիում քիչ առաջ ձերբակալել են նախկին քաղաքապետ Վարդան Ղուկասյանին։ ՆԳՆ-ից Factor.am-ին փոխանցեցին, որ Ղուկասյանը կասկածվում է ապօրինի զենք-զինամթերք կրելու մեջ։ Նա այս պահին քրեական ոստիկանության Շիրակի մարզային բաժնում է։ Ձերբակալվել է նաև Ղուկասյանին ուղեկցող անձը։
Հիշեցնենք՝ Վարդան Ղուկասյանը հայտարարել էր Գյումրիի քաղաքապետի առաջիկա արտահերթ ընտրություններին մասնակցելու մասին։
Վարդան Ղուկասյանի ֆեյսբուքյան էջում հայտարարություն է տարածվել ձերբակալության վերաբերյալ, որում ասված է․ «Հայտնում ենք, որ քիչ առաջ ապօրինի կերպով քրեական ոստիկանության հատուկ ջոկատայինների կողմից բերման են ենթարկվել Վարդան Ղուկասյանը և իր թիկնապահը: Սա օրվա իշխանական պարագլխի հրամանով կատարված գործողություն է` ուղղված լռեցնելու գյումրեցու ձայնը: Մարզային վարչության շենքի դուռը կրկին ապօրինաբար փակվել է Վարդան Ղուկասյանի փաստաբանի առջև: Կոչ ենք անում բոլոր գյումրեցիներին ինքնաբուխ կերպով հավաքվել շինության մուտքի մոտ»:
