07.04.2025 | 23:30
Խաղաղության համաձայնագիրն այժմ պատրաստ է ստորագրման, և ՀՀ-ն պատրաստ է ավարտին հասցնել այդ պատմական քայլը. Հակոբ Արշակյան
Apple-ը «բյուջետային» iPhone է ներկայացրել
Քաղաքականություն
20.02.2025 | 22:44
Ամերիկյան Apple ընկերությունը ներկայացրել է նոր «բյուջետային» սմարթֆոն՝ iPhone 16e։ Մոդելը վաճառքում կհայտնվի այս ամսվա վերջին և կարժենա 599 դոլար, հայտնում է CNBC-ն։
Սարքը հասանելի կլինի սև և սպիտակ գույներով։
Նշվում է, որ iPhone 16e-ն չունի Home կոճակ կամ մատնահետքի սենսոր, փոխարենն օգտագործում է Apple-ի FaceID սքաները։
Ժամանակակից դիզայնով հեռախոսում տեղադրված է Apple-ի A18 չիպ, որն օգտագործվում է նաև iPhone 16-ի հիմնական մոդելներում։ Դրա թարմացված պրոցեսորը նշանակում է, որ iPhone 16e-ն կարող է գործարկել բոլոր հավելվածներն ու խաղերը, ինչ iPhone-ի ավելի թանկ մոդելները:
iPhone 16e-ն ներառում է նաև Apple-ի առաջին բջջային մոդեմը, որը կոչվում է C1: Վերջին մի քանի տարիների ընթացքում iPhone-ներն օգտագործում էին Qualcomm մոդեմներ:
Ավելի վաղ հաղորդվում էր, որ ամերիկյան Apple ընկերությունը կներկայացնի iPhone SE-ի նոր տարբերակը՝ ուղղված ավելի մատչելի գնով հզոր սմարթֆոն փնտրող գնորդներին։
Թարգմանությունը՝ Տաթև Ֆռանգյանի
