25.06.2026 | 20:31
Քարոզարշավի «գինը»․ ինչքան են ծախսել քաղաքական ուժերն ու ինչ «նվերներ» են ստացել. ՏԵՍԱՆՅՈՒԹ
ՀՀ ոստիկանության վարքն անընդունելի էր. Սաքունցը՝ բաժնում տեղի ունեցած միջադեպի մասին․ ՏԵՍԱՆՅՈՒԹ
Հասարակություն
20.02.2025 | 12:34
«Ներքին գործերի նախարարության այդ պարզաբանումը հիմնավորում է, որ կան սպառնալիքների կիրառման լեգիտիմ հնարավորություններ»,- ահազանգում է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը՝ անդրադառնալով ՆԳՆ առավոտյան տարածած հաղորդագրությանը։
Հիշեցնենք՝ ՆԳՆ-ն պարզաբանել էր, որ ՀՔԱՎ հոդվածում նշված անձը ՌԴ իրավապահների կողմից գտնվում է հետախուզման մեջ։ Նա ՀՀ ՆԳՆ ոստիկանության ծառայողների կողմից փետրվարի 13-ին հրավիրվել է ՀՀ ՆԳՆ ՀՈԳՎ Մետրոպոլիտենի բաժին.
«ԱՊՀ կառավարության ղեկավարների՝ անձանց միջպետական հետախուզման իրականացման վերաբերյալ իրավասու մարմինների մասին (2015թ. Դուշանբե) կանոնակարգի շրջանակներում ՀՀ գործուղված ՌԴ ՆԳՆ ներկայացուցիչները գտնվել են ՀՀ ՆԳՆ ՀՈԳՎ Մետրոպոլիտենի բաժնում։ Նշված կանոնակարգի 7-րդ գլխի 48-րդ կետի պահպանմամբ՝ ՌԴ իրավապահների ներկայությամբ կատարվել է նշված անձի փաստաթղթավորումը հետախուզման կապակցությամբ և, խափանման միջոց ընտրված չլինելու պայմաններում, հետախուզվողն ազատ է արձակվել»,- նշվում է հաղորդագրության մեջ։
Սաքունցը վրդովված է ոստիկանության նմանօրինակ գործողություններից, շեշտելով.
«Որևէ այլ երկրում չեք տեսնի դեպք, երբ ՌԴ-ից գործուղված իրավապահ մարմիններին թույլատրեն մտնել տվյալ երկրի ոստիկանության բաժին և փորձեն խոսել, համոզել կամ սպառնան, որ քաղաքական հետապնդման ենթարկված անձն իրենց հետ գա»։
Մանրամասները՝ տեսանյութում։
