24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Տորոնտոյում վայրէջք կատարելիս մարդատար ինքնաթիռը շրջվել է․ ՏԵՍԱՆՅՈՒԹ
Քաղաքականություն
18.02.2025 | 11:14
ԱՄՆ Մինեապոլիս քաղաքից թռչող Delta Airlines ավիաընկերության ինքնաթիռը շրջվել է կանադական Տորոնտոյի Լեսթեր Փիրսոն օդանավակայանում։ Միջադեպը տեղի է ունեցել վայրէջքի ժամանակ։
Ըստ լրատվամիջոցների՝ միջադեպի հետևանքով 18 մարդ է տուժել։ Նրանցից երեքը՝ մեկ երեխա և երկու չափահաս, ծայրահեղ ծանր վիճակում տեղափոխվել են հիվանդանոցներ։ Bombardier CRJ 900 ինքնաթիռում, ընդհանուր առմամբ, եղել է 76 ուղևոր և անձնակազմի 4 անդամ: Օդանավակայանի լրատվական ծառայության տվյալներով՝ զոհեր չկան։
Delta Airlines-ի ներկայացուցիչները պարզաբանել են, որ թռիչքն իրականացրել է Endeavor Air-ը՝ DA-ի դուստր ձեռնարկությունը, որի կենտրոնակայանը գտնվում է Մինեապոլիսում:
Օդանավակայանի լուսանկարներում և տեսանյութերում, որոնք հրապարակվել են ականատեսների կողմից, երևում է, որ օդանավից ծխի սյուներ են բարձրանում։ Ինքնաթիռի ուղևորները կարողացել են դուրս գալ շրջված օդանավից, Reuters-ին հայտնել է տեղի ոստիկանության ներկայացուցիչ Սառա Պատենը:
Թարգմանությունը՝ Տաթև Ֆռանգյանի
