09.10.2026 | 14:44
Ռոնալդուի մայր. «Կրիշտիանուին չեն գնահատում այնքան, որքան պետք է»
ԱՄՆ-ը կարող է դուրս բերել զորքերը Բալթյան երկրներից՝ ՌԴ-ի հետ Ուկրաինայի շուրջ բանակցությունների ֆոնին․ FT
Քաղաքականություն
17.02.2025 | 22:31
ԱՄՆ նախագահ Դոնալդ Թրամփը կարող է որոշել դուրս բերել ամերիկյան զորքերը Բալթյան երկրներից և Արևմտյան Եվրոպայի երկրներից՝ Ուկրաինայի հարցով Ռուսաստանի հետ բանակցությունների ֆոնին։ Այս մասին գրում է Financial Times-ի սյունակագիր Գիդեոն Ռահմանը։
Նա պատմել է Մյունխենի անվտանգության համաժողովում ԵՄ պաշտոնյաների արձագանքի մասին ԱՄՆ փոխնախագահ Ջի Դի Վենսի ելույթին և Սաուդյան Արաբիայում կայանալիք ԱՄՆ-Ռուսաստան բանակցություններին։ Լրագրողը կարծում է, որ կողմերի միջև երկխոսությունը կարող է լուրջ հետևանքներ ունենալ ինչպես Կիևի, այնպես էլ Եվրոպայի համար։
«Եվրոպական պաշտոնյաները կարծում են, որ Թրամփը, ամենայն հավանականությամբ, կհամաձայնի դուրս բերել ամերիկյան զորքերը Բալթյան երկրներից և, հնարավոր է, դեպի ավելի արևմուտք՝ ԵՄ-ն խոցելի դարձնելով ռուսական ռազմական գործողությունների նկատմամբ»,- ասվում է հոդվածում:
Ռահմանը նշել է, որ Եվրոպան այլևս չի համարում ԱՄՆ-ին «դաշնակից, որի վրա կարելի է հույս դնել»։
Ավելի վաղ Կրեմլի խոսնակ Դմիտրի Պեսկովը հայտնել էր, որ ՌԴ ԱԳ նախարար Սերգեյ Լավրովը և նախագահի օգնական Յուրի Ուշակովը մեկնել են Սաուդյան Արաբիա՝ հանդիպելու ամերիկացի գործընկերների հետ։
Թարգմանությունը՝ Տաթև Ֆռանգյանի
