07.12.2025 | 10:38
Հարգանքի տուրք՝ 1988-ի դեկտեմբերի 7-ի երկրաշարժի զոհերի հիշատակին
Ով կարող է օգտվել եկամտահարկի մինչև 100 հազար դրամ վերադարձից. ՏԵՍԱՆՅՈՒԹ
Քաղաքականություն
14.02.2025 | 20:30
Ձեր եկամուտները հայտարարագրելու դեպքում մինչև 100 հազար դրամի վերադարձ կստանաք, եթե առողջապահության և կրթական ուղղություններով ծախսեր եք արել։ Կառավարությունը որոշել է ընդլայնել համընդհանուր հայտարարագրման շրջանակում առողջապահության և կրթության գծով սոցիալական կրեդիտների վերադարձի շրջանակը։ Խոսքը վերաբերվում է գրացված աշխատողներին, որոնք եկամտային հարկ են վճարում։ Իսկ ո՞ր սոցիալական ծախսերն են փոխհատուցվելու։
Նիկոլ Փաշինյանը երեկ Կառավարության նիստին նշեց, որ սոցիալական կրեդիտը վերաբերում է նաև այն դեպքերին, երբ, օրինակ՝ անձը բնակարան է վարձով տվել, բնակարանի գումարը հայտարարագրել է, և հայտարարագրածից եկամտահարկ վճարել:
Սոցիալական կրեդիտների վերադարձի համար կարևոր հանգամանք է վճարումներն իրականացնել անկանխիկ։ Օրինակ՝ եթե ծնողները իրենց երեխայի կրթությանն ուղղված ծախս են անում, պետք է յուրաքանչյուրն իր քարտից անկանխիկ եղանակով վճարի, որպեսզի երկուսն էլ կարողանան օգտվել սոցիալական կրեդիտների վերադարձից։ Սակայն եթե 2024-ին եղել են անկանխիկ եղանակով արված վճարումներ, կառավարությունը որոշել է, որ դրանք ևս կարող են վերադարձվել տվյալ ծախսի հաշիվ ապրանքանիշը դուրս գրելու պարագայում։
Եթե անձը 50 հազար ծախսել է առողջության ապահովագրության համար, իսկ 100 հազար ուսման վարձի վճարման, այնուամենայնիվ աոցիալական կրեդիտի վերադարձի չափը առավելագույնը կազմելու է 100 հազար դրամ։ Փաշինյանը ավելի վաղ հայտնել էր, որ համընդհանուր հայտարարագրմամբ այս գործընթացում աշխատող քաղաքացիներին ընդհանուր առմամբ վերադարձվելու է 70 մլրդ դրամ:
Նշենք, որ 2024-ի եկամուտների հայտարարգրման գործընթացը սկսվել է 2025-ի հունվարի մեկից։ Այս փուլում պետք է հայտարարգիր ներկայացնեն բոլոր գրանցված աշխատողները, իսկ դրա համար պետք է պարտադիր ունենան նույնականացման քարտ և էեկտրոնային ստորագրություն։ Հայտարագրման վերջնաժամկետը մայիսի մեկից տեղափոխվեց նոյեմբերի 1-ը։ Factor TVին ավելի վաղ արձանագրել էր, որ անձնագրային բաժանմունքներում այցեր գրանցելու համար հերթեր են, և նույնականացման քարտ ստանալու համար լավագույն դեպքում կարիք կլինի 3-ից 4 ամիս սպասել։
Մանրամասները՝ տեսանյութում։
Անի Թամրազյան
