Ինչպես և ինչու եղավ 2020-ի պարտությունը․ նոր գիրք՝ նոր սխալներից զերծ մնալու համար. ՏԵՍԱՆՅՈՒԹ

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Պարտության մասին պե՛տք է խոսել, պարտությունը պե՛տք է գիտակցել և իմաստավորել, այլապես հնարավոր չի լինի ուղղել անցյալի սխալներն ու գտնել մեր ձախողումների պատճառները․ այս համոզման են «44․ Պարտություն․ 2020-ի Արցախյան պատերազմը՝ իրողություններ և հետևություններ» վերնագրով հետազոտության հեղինակները։

Գիրքը, որի շնորհանդեսը տեղի ունեցավ փետրվարի 13-ին, նպատակ ունի հանրային ուշադրությունը հրավիրել Արցախյան երկրորդ պատերազմի փաստական հանգամանքների վրա՝ պատերազմական գործողություններից մինչև որոշումների ընդունում, բանակաշինությունից մինչև առաջնորդության ռազմավարական մտածողության որակ։

«Գիրքն ուղղված է հետազոտողներին, որոշում կայացնողներին, քաղաքական գործիչներին, ընդհանրապես, լայն հանրությանը, որպեսզի մենք, ի վերջո, դասեր քաղենք։ Մեզ թվում էր՝ 2020-ի պարտությամբ ամեն բան ավարտվեց, հետո եղավ Արցախի կորուստը, որը սարսափելի, մեծ ողբերգություն էր, համադրելի Ցեղասպանության հետ, և հիմա կարծես թե բացառված չէ ևս մեկ ողբերգություն։ Ի վերջո, մենք՝ որպես հասարակություն, ժողովուրդ, պետություն, մեր խելքը մեր գլուխները հավաքելու ենք, թե՞ ոչ»,- նշում է «ՍիվիլՆեթ»-ի գլխավոր խմբագիր, գրքի համահեղինակ Կարեն Հարությունյանը։

Գրքի հեղինակներ Վիգեն Չթրյանը, Կարեն Հարությունյանը և Աշոտ Ոսկանյանը շեշտում են՝ անհատական մակարդակում էմոցիոնալ առումով մենք իմաստավորել ենք 2020-ի պարտությունը, բայց հասարակական, քաղաքական մակարդակում՝ ոչ։ Հետազոտությունը հիմնված է քաղաքական և ռազմական գործիչների, փորձագետների, պատերազմի մասնակիցների հետ արված 35 հարցազրույցների վրա՝ ամբողջացնելով 44-օրյա պատերազմի մանրամասն ժամանակագրությունը և ռազմական գործողությունների քարտեզը։

Հրատարակությունն իրականացվել է Գալուստ Գյուլբենկյան հիմնարկության աջակցությամբ։ Գրքում ընդգրկված երեք վերլուծականներից կենտրոնականը հենված է քաղաքական և ռազմական գործիչների, որոշում ընդունողների, փորձագետների և պատերազմի անմիջական մասնակիցների հետ անցկացված հարցազրույցների վրա։ Վիգեն Չթրյանը, օրինակ, հեղինակել է 60 էջանոց գլուխ, որտեղ խոսվում է պատերազմի պատճառների մասին։

Մանրամասները՝ տեսանյութում։

Աննա Բաբաջանյան