08.03.2026 | 13:48
Օդի ջերմաստիճանը մարտի 9-10-ին կնվազի
Կառավարությունը 18 միլիոն դրամ հատկացրեց համակարգիչների ձեռքբերման համար․ ՏԵՍԱՆՅՈՒԹ
Քաղաքականություն
27.09.2018 | 13:10
ՀՀ կառավարության այսօրվա նիստում արդարադատության փոխնախարար Արթուր Հովհաննիսյանն առաջարկեց ՀՀ 2018 թվականի պետական բյուջեում վերաբաշխում իրականացնել և 32 միլիոն 146 հազար դրամ տրամադրել քրեակատարողական համակարգում գնումներ կատարելու համար, որից 18 միլիոն դրամը համակարգչային տեխնիկայի ձեռքբերմանը կուղղվի:
«Արդեն մոտ տասը տարի է քրեակատարողական հիմնարկներում օգտագործվում են հին համակարգիչներ և նույնիսկ նրանց պահեստամասերը շրջանառությունից դուրս են եկել»,- ասաց նա՝ հավելելով, որ որոշ քրեակատարողական հիմնարկներում՝ «Դատապարտյալների հիվանդանոց», «Աբովյան», «Կոշ», «Հրազդան», ջրահեռացման և ջրամատակարարման համակարգերը շատ վատ վիճակում են գտնվում, ուստի նախևառաջ նախատեսում են կազմել նախագծանախահաշվարկային փաստաթղթեր, որի համար նախատեսել 14 միլիոն 146 հազար դրամ գումար, հետո արդեն մյուս տարվա բյուջեում հայթայթել վերանորոգման համար պահանջվող գումարը:
Մանրամասները՝ տեսանյութում:
