20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
«Կծու» հնարք․ քաղաքապետարանը պարզաբանել է՝ ինչպես են ուղևորները փորձել վճարել սննդի QR-ով
Հասարակություն
13.02.2025 | 17:07
«Հասարակական տրանսպորտի վճարից խուսափելու ինքնատիպ լուծում են գտել մեր ուղևորները։ Խորոված կծու բիբարի, կծու նագեթսի համար վճարված չեկով անհույս փորձում են վալիդատրի միջոցով վճարում կատարել»,- օրեր առաջ ֆեյսբուքում գրել էր Երևանի քաղաքապետի մամուլի քարտուղար Հայկ Կոստանյանը՝ հրապարակելով լուսանկար։
Factor.am-ըԿոստանյանից գրավոր հարցմամբ հետաքրքրվել էր՝ ինչպես են բացահայտել դա և ինչպես են կտրոնները հայտնվել իր մոտ։
«Մեր հասարակական կարգի պահպանության ծառայության աշխատակիցները ստուգայցի ընթացքում նկատել են, որ երկու քաղաքացի փորձում են QR-ի միջոցով վճարումներ անել, բայց վալիդատորն անըդհատ մերժում է։ Մոտեցել են, որպեսզի օգնեն քաղաքացիներին, վերցրել են QR կոդերը, որ հասկանան՝ ո՞րն է խնդիրը և պարզել են, որ դա սննդի կետի կողմից տրամադրված կտրոն է, որի վրա QR կա»,- մանրամասնել է Հայկ Կոստանյանը։
Նշենք, որ երեկ հայտնի դարձավ, որ Երևանի քաղաքապետարանի աշխատակազմի հասարակական կարգի պահպանության ծառայությունը ստուգայցեր է իրականացնում հասարակական տրանսպորտում։
Արփի Հակոբյան
