Քաղաքականություն
27.09.2018 | 12:01
Ֆրանսիական Le Figaro թերթը Ռուսաստանի ԱԳՆ պաշտոնական ներկայացուցիչ Մարիա Զախարովայի մասին հոդված է հրապարակել՝ նրան անվանելով Սերգեյ Լավրովից հետո Ռուսաստանում ամենաազդեցիկ դիվանագետը. փոխանցում է rusarminfo.ru-ն:
«Առաջին տեղում, իհարկե, Սերգեյ Լավրովն է՝ ռուս դիվանագիտության դեմքը, որն ամբողջ աշխարհում հայտնի է գրեթե 15 տարի: Արտասովոր մտավոր ունակությունների տեր այս մարդը ծնվել է Վրաստանում, ինչպես Ստալինը, սակայն ունի հայկական արմատներ: Շատերը համակարծիք են, որ նա պատմության մեջ կմնա, որպես իր երկրի լավագույն արտաքին գործերի նախարարներից մեկը՝ սկսած ցարական ժամանակներից մինչև ԽՍՀՄ-ի ժամանակաշրջանը: Ու նրա կողքին միշտ տեսնում ենք ԱԳՆ պաշտոնական ներկայացուցիչ 42-ամյա Մարիա Զախարովային: Նա էլ Պուտինի արտաքին քաղաքականության մեկ այլ դեմքն է ներկայացնում», – գրում է Le Figaro-ն:
Հոդվածում խոսվում է նաև Մարիա Զախարովայի և նրա ղեկավար ՌԴ ԱԳ նախարար Սերգեյ Լավրովի փոխհարաբերությունների մասին:
Մարիա Զախարովան ֆրանսիական թերթին տված հարցազրույցում ասել է, որ ինքն ու Սերգեյ Լավրովը նույնանման են մտածում ու նույնանման եզրակացությունների հանգում, միակ տարբերությունն այն է, որ Ռուսաստանի արտգործնախարարը ծխախոտ է ծխում, իսկ ինքը սիգար է նախընտրում:
