08.03.2026 | 12:12
Բեյրութում հյուրանոցի վրա հարվածի հետևանքով 4 մարդ է զոհվել․ Իսրայելը հայտարարում է, որ թիրախը իրանցի հրամանատարներն էին
Հեռախոսազրույցին առնչվող բոլոր պաշտոնյաները հրավիրվելու են ԱԺ քննիչ հանձնաժողովի նիստին. Կոստանյան. ՏԵՍԱՆՅՈՒԹ
Քաղաքականություն
26.09.2018 | 16:57
ԱԱԾ տնօրենի և ՀՔԾ պետի գաղտնալսված հեռախոսազրույցին առնչվող բոլոր պաշտոնյաներն ինչ-որ փուլում հրավիրվելու են Ազգային ժողովի քննիչ հանձնաժողովի նիստին:
Այս մասին այսօր՝ սեպտեմբերի 26-ին հրավիրված նիստից հետո լրագրողների հետ զրույցում հայտարարեց ՀՀ ԱԺ պետաիրավական հարցերի մշտական հանձնաժողովի նախագահ, քննիչ հանձնաժողովի նախագահ Գևորգ Կոստանյանը:
«Նիստի ընթացքում մենք կազմեցինք հարցումների ցուցակն ու բովանդակությունը, և հարցումների արդյունքում ստացված տեղեկատվության արդյունքում մենք կազմելու ենք հրավիրման ենթակա բոլոր անձանց ցուցակը՝ նախնական: Եվ, բնականաբար, յուրաքանչյուր փաստաթղթի ուսումնասիրության արդյունքում առաջանալու է այլ անձանց հրավիրելու անհրաժեշտություն»,- նշեց Կոստանյանը:
Ըստ նրա՝ խոսքը վերաբերում է հատկապես հեռախոսային խոսակցության գաղտնիության ապահովման և այդ գաղտնիության ապահովման համար պատասխանատու սուբյեկտների ներգրավմանը. «Մեզ համար առաջնահերթ է ազգային անվտանգությունը, որպեսզի մենք վստահ լինենք, որ Հայաստանում որևէ մեկը չի կարող դառնալ ապօրինի գաղտնալսման զոհ»:
Լրագրողի ճշտող հարցին՝ արդյո՞ք նիստին հրավիրվելու են ԱԱԾ տնօրենը, ՀՔԾ պետը, վարչապետը, նաև այն դատավորը, որի մասին խոսվում էր զրույցի ընթացքում, Գևորգ Կոստանյանը պատասխանել է. «Տրամաբանական է, որ ձեր նշած անձինք ինչ-որ փուլում հրավիրվելու են հանձնաժողովի նիստին»:
Մանրամասները՝ տեսանյութում
