18.12.2025 | 22:01
«Ավելի շատ նեղվածությունից այսպես եղավ»․ Տեր Վրթանեսին ստենտավորել են
Ուկրաինայում հասկանում են, որ անհնար է հետ նվաճել կորցրած բոլոր տարածքները․ Դենիս Կազանսկի․ ՏԵՍԱՆՅՈՒԹ
Քաղաքականություն
07.02.2025 | 20:30
Մոսկվայում սպանված «Արբատ» գումարտակի հիմնադիր Արմեն Սարգսյանը Ուկրաինայում գրավյալ տարածքների «նայողն» էր, Factor TV-ի հետ զրույցում ասում է ուկրաինացի լրագրող Դենիս Կազանսկին։
Ըստ նրա՝ ռուսական համակարգերը կրիմինալն օգտագործում են գրավյալ տարածքները թալանելու համար։ Լրագրողը նշում է, որ «Արբատ»-ը, որը Կրեմլի կողմից ակտիվորեն օգտագործվում է քարոզչական նպատակներով, առանձնապես ոչնչով չի առանձնացել մարտական գործողություններում։ Նա նաև հայտարարում է, որ Սարգսյանի սպանությունը նման չէ ուկրաինական հատուկ ծառայությունների ձեռագրին։
Ինչ վերաբերում է մինչև 2025 թվականի ավարտը Ուկրաինայում նախագահական ընտրություններ անցկացնելու մասին ամերիկյան կողմի հայտարարություններին, Կազանսկին նշում է, որ Ուկրաինայում ընտրություններ հնարավոր է անցկացնել միայն պատերազմի ավարտից հետո։
Խոսելով հնարավոր խաղաղության պայմանագրի մասին՝ լրագրողը նշում է, որ Ուկրաինայում հասկանում են՝ անհնար է հետ նվաճել բոլոր տարածքները, սակայն պատրաստ չեն ցանկացած պայմաններով խաղաղության։
Հարցազրույցն ամբողջությամբ՝ տեսանյութում։
Սամվել Մելիքսեթյան
