15.12.2025 | 10:48
«Ինտերը»՝ Իտալիայի Ա սերիայի առաջատար․ ՏԵՍԱՆՅՈՒԹ
Ինչ տուգանքներ են նախատեսված հայտարարագրում սխալ տվյալներ ներկայացնելու դեպքում. ՊԵԿ նախագահի պարզաբանումը
05.02.2025 | 17:51
«Քաղաքացին հայտարարագիր ներկայացնելիս իրավունք ունի մեկ անգամ շտկել այն: Եթե ՊԵԿ-ը նկատում է ինչ-որ խնդիր, նորից շտկման հնարավորություն է տալիս, շտկման հնարավորությունից հետո տալիս է նախազգուշացում, իսկ նախազգուշացումից հետո՝ տուգանք»,- այս մասին Ազգային Ժողովում համընդհանուր հայտարարագրման թեմայի վերաբերյալ քննարկման ժամանակ հայտնեց ՊԵԿ նախագահ Էդուարդ Հակոբյանը:
Այնուհետև ՊԵԿ նախագահն ասաց, թե ինչ վարչարարություն է կիրառվելու՝ հայտարարագիր չներկայացնելու համար։
«5000 դրամ է տուգանքը վարձու աշխատողների, քաղիրավական պայմանագրով աշխատողների համար, բայց, իհարկե, սեփականատերերի համար ավելի բարձր է, 50 հազար է: Հաջորդ քայլը դրա կրկնապատկումն է, այսինքն՝ 5000-ը դառնում է 10 հազար, 50 հազարը՝ 100 հազար:
Այդ տեսանկյունից անցած տարի էլ աշխատանքներ իրականացրել ենք: Օրինակ՝ մոտ 2638 վարչական վարույթներ ենք նախաձեռնել:
Բացի դրանից՝ լրացուցիչ աշխատանքներ ենք տանում, ծանուցումներ ենք անում համատիրություններին, որպեսզի իրենք տվյալներ փոխանակեն, մենք էլ, հեռակա ռեժիմով մարդկանց հետ աշխատելով, հնարավորություն տանք՝ հայտարարագրեն»,- փոխանցեց ՊԵԿ պաշտոնյան։
