04.08.2026 | 13:06
Ճապոնիայի վարչապետը շնորհավորել է Նիկոլ Փաշինյանին ՀՀ վարչապետի պաշտոնում վերանշանակվելու առիթով
Կազմաքանդում եք ՏԻՄ-երը, ո՞նց կարելի է թանկ վարագույր առնելու համար մեղադրել նրանց․ Խաչատրյան․ ՏԵՍԱՆՅՈՒԹ
Քաղաքականություն
03.02.2025 | 13:41
Կառավարության նիստում հավանության արժանացած «Պետական վերահսկողական ծառայության մասին» օրենքում և հարակից օրենքներում փոփոխություններ և լրացումներ կատարելու մասին օրենսդրական նախագծերի փաթեթն այսօր քննարվեց ԱԺ Ֆինանսավարկային և բյուջետային հարցերի մշտական հանձնաժողովի նիստում։ Նախագծի քննարման ժամանակ ընդդիմադիր պատգամավոր Արթուր Խաչատրյանն ընդգծեց, որ իրենք կողմ են օրինագծին։ Խաչատրյանի համար, սակայն, անհասկանելի է, ինչու են մտնում ՏԻՄ-ի գործառույթների մեջ՝ անորոշ սահմանված արդյունավետության ծախսերով։ Ըստ ընդդիմադիր պատգամավորի՝ այս տարբերակով առաջ գնալը տեղական ինքնակառավարման մարմինների կազմաքանդմանն ուղղված քայլ է։
«Եթե կան ընդունված կանոնակարգեր, որոնք խախտվել են ծախս կատարվելուց, դա պետք է բերի որոշակի պատասխանատվության։ Եթե քրեական խախտում է կատարվում, պետք է բերի քրեական պատասխանատվության, բայց գնալ տեղական ինքնակառավարման մարմին և առանց հղման ասել՝ ես կարծում եմ, որ դու կես լիտրանոց ջուրն առնելու փոխարեն, եթե գնեիր մեկ լիտր ավելի էժան կլիներ, կամ ո՞նց կարելի է թանկ վարագույր առնելու համար մեղադրել նրանց։ Սա ուղղակի կամայական միջամտության համար դուռ է բացելու»,- նշեց պատգամավորը։
Մանրամասները՝ տեսանյութում։
